#ನೀನೆಷ್ಟು_ಮಾಯಾವಿ_ಗೊತ್ತಾ?🙄

This is to much ಹ್ನಾ..ನನಗೆ ಚೂರು ನಿನ್ನ ಬಿಹೇವಿಯರ್ ಇಷ್ಟ ಆಗ್ಲಿಲ್ಲ.
ಆಹಾ,ಮಳ್ಳಿ ತರ ಮುಖ ಮಾಡೋದು ನೋಡು.ಒಮ್ಮೆಲೇ ಆಫ್ ಆಗಿ ಭಯ ಬೀಳಿಸ್ತೀಯಾ..ಒಳ್ಳೆ,ಚೆನ್ನಾಗಿ ಇದೀಯಾ ಬಿಡು.ನಿನ್ನ ಹೊಟ್ಟೇನೋ ಬಕಾಸುರ ವಂಶ.ಎಷ್ಟು ತುಂಬಿಸಿದ್ರೂ ಸಾಕಾಗಲ್ಲ..ತಿಂಗಳ ಕೊನೆಯಲ್ಲಿ ಗೊತ್ತಾಗುತ್ತೆ ನಿನ್ನ ಹಸಿವಿಂಗಿಸಿದ ಪ್ರಭಾವ...ಅಲ್ಲ, ಬೆಳಗಿನಿಂದ, ಸಂಜೆ ತನಕ ನಿನ್ನ ನೇವರಿಸ್ತಾ ಕೂತಿರ್ತಾರಲ್ಲ ಅದೇನ್ ಸುಖ ನಿಂಗೆ ..ಏನ್ ಚಂದ ..ಹ್ಮ ನೀನೇ ಲಕ್ಕಿ ಬಿಡು.
ನಿನ್ನ ನೆನಪಲ್ಲೇ ಸದಾ ಮುಳುಗಿರ್ತಾರಲ್ಲ ಎಲ್ಲರೂ ಒಂದೇ ಸಮ.ಅದ್ಹೆಂಗೋ ಹಿಡಿದು ಇಡೋದು ನೀನು.ಚೂರು ಗುಟ್ಟು ಹೇಳಿದ್ರೆ..ಎಷ್ಟೋ ಸಂಸಾರ ಅಂಟಿಕೊಂಡೇ ಜೀವನ ಮಾಡ್ತಿತ್ತು ಗೊತ್ತಾ?
ಒಂದು ಕೈಯಲ್ಲಿ ನಿನ್ನ ಎತ್ಕೊಂಡು, ಒಲೆ ಮೇಲೆ ಒಗ್ಗರಣೆಗೆ ಇಟ್ಗೊಂಡು, ನಿನ್ನ ನುಣುಪಾದ ಮೊಗವನ್ನು ಸವರುತ್ತಾ, ನಿನ್ನ ಲೋಕದೊಳಗೆ ಮುಳುಗಿದ್ದಾಗ,ಒಗ್ಗರಣೆ ಸೀದು,ಮನೆ ಮಂದಿ ಎಲ್ಲಾ ಒಂದೇ ಸಲ ನಿನ್ನ ಮೇಲೆ ಕೋಪಗೊಂಡು,ನಮ್ಮ ಮೇಲೆ ಎಗರಿ ಬೀಳ್ತಾರಲ್ಲ,ಆಗ ನಿನಗೇನು ಅನಿಸೋದೇ ಇಲ್ವಾ?
ಅಬ್ಬಾ!!ಪುಟ್ಟ ದೇಹ ನಿಂದು.ಆದರೆ ಎಲ್ಲರನ್ನೂ ಮಂತ್ರ ಮುಗ್ಧರನ್ನಾಗಿ ಮಾಡುವ ನಿನ್ನ ಜಾದೂ ಶಕ್ತಿ ಇದೆಯಲ್ಲಾ,ನೋಡಿ ನಿಬ್ಬೆರಗಾಗೋದು ಸತ್ಯ. ಒಂದು ಹೊಸ ಗಾಡಿ ತಂದ್ರೆ,ಸ್ವಲ್ಪ ದಿನಕ್ಕೆ ಬೇಜಾರು ಬರುತ್ತೆ.ಹೊಸದಾಗಿ ಮದುವೆಯಾದ ಜೋಡಿ ಕೂಡ ದಿನಕಳೆದಂತೆ,ಹಳೆಯದಾಗ್ತಾ ಹೋಗ್ತಾರೆ.ಆದರೆ ನೀ ಮಾತ್ರ ದಿನಕಳೆದಂತೆ ಎವರ್ ಗ್ರೀನ್...ಹಹಹ‌‌..ಬೇಜಾರು ಅನ್ನೋ ಪದ ನಿನ್ನ ಡಿಕ್ಷನರಿಯೊಳಗೇ ಇಲ್ಲ ಬಿಡು.ಜಗತ್ತನ್ನೇ ಒಂತರಾ ಸಮ್ಮೋಹನ ಮಾಡಿ ಬಿಟ್ಟಿದೀಯಾ ನೀನು..ತಲೆ ತಗ್ಗಿಸಿ ನಿನ್ನ ಮುಖ ನೋಡ್ತಾ ಕೂತ್ರು ಅಂದ್ರೆ ಮುಗೀತು ಕಥೆ.ಸುನಾಮಿನೇ ಬಂದ್ರೂ ಎಚ್ಚರಿಕೆ ಆಗದಷ್ಟು ಮೈ ಮರೆಸೋ ನಿನ್ನ ಅಧಮ್ಯ ಶಕ್ತಿಯ ಗುಟ್ಟು ಸ್ವಲ್ಪ ಹೇಳಿಬಿಡು...ಪ್ರಾಮಿಸ್.. ನಾ ಯಾರಿಗೂ ಹೇಳಲ್ಲ ಪ್ಲೀಸ್..ಪ್ಲೀಸ್.....

ಇದ್ಯಾರು🤔ಹೇಳಿಬಿಡಿ ನೀವೇ ಗೆಸ್ ಮಾಡಿ 😃🙈
..........#ಪೂರ್ವವಾಹಿನಿ.......