Kal main pehli baar apni family se door ja raha hu. Mera army me selection jo ho gaya hai. Ghar Ki bahut yaad ayegi kabhi pal bhar bhi door nhi hua na. Maa ke haath ka khana, Papa ka discipline, bhai ke saath jhagadna, or behen ke saath nok jhok bhut miss karunga main inhe.

AJ wo din a hi gya jiska mujhe besabri se intezaar tha. Aj main bhi apne desh ke liye kuch karne ja raha hu. Bhut late ho gaya hu ab akhiri baar sabse mil lu phir nikalna hai bas. Yaad aya, main to apna suitcase nikalna hi bhul gaya. Pehle wo leke ata hu, uske bina main rehne ki soch bhi nahi sakta.

Main ghar se sabse mil ke nikal chuka tha. Bus bhi timely mil hi gayi thi. Main sochne laga, "bas ab kuch hi der mein apne stop pe utar jaunga or phir army office." Par y kya, main bus se utar hi raha tha ki ek baccha mera suitcase lekar bhag gaya. Main bina kuch soche samjhe uske peeche bhaga. Jaise hi main us tak phucha to maine dekha mera suitcase khula hua khali pada tha. Y dekh ke mujhe gussa aa gaya aur maine us bacche ko kas ke thappad mar diya. Wo sambhal nahi paya or gir gaya. Tabhi ek awaz ayi ruko mat maaro use. Maine dekha to do budhe log jo chal nahi sakte the mere peeche the. Maine kaha, "kyun na maru ise, chori ki hai isne, ye sirf ek suitcase nahi tha, mere emotions the isme, meri zindagi ke ab tak ke saare pal the isme jinhe isne yunhi najane kha fek diya. Ab kha se launga main wo sab yadein wapas jo iss bacche ne bekaar saman samajh ke kahi bikhra di".

Tabhi wo baccha utha aur mere pass aaya uske haath mein ek potli thi. Usne mujhse kaha " ise kholo". Maine kaha "Main kyun kholu ise, pta nhi isme kya hoga, main isko hath bhi nahi lagaunga". Phir us bacche ne wo potli mere suitcase main palat di. Usme wo sab saman tha jo mere suitcase me tha. Usne kaha, "Ap sahi keh rahe ho maine ye suitcase paiso ke liye hi churaya tha, par jab maine ise apne parents ke samne khola to unhone mujhe bataya ki maine kisi ki beshkeemti cheez chura li hai, jo paiso se bhi jyada anmol hai. Unhone mujhe is saman ko sambhal ke rakhne ko kha aur kaha, "ki jab bhi wo insaan wapas aye to usse maafi maang kar uski cheez use lauta dena". Isliye maine inhe is suitcase se nikal kar apni potli me hifazat se rakh liya tha. "

Ye sun ke meri aankhon se ansoo a gaye. Wo log gareeb zaroor the par jo sanskar uske parents ne use diye the wo kisi ameeri se kam nahi the. Usne mujhe meri sabse jayada keemti cheez mujhe di thi jise main ek pal mein kho hi chuka tha. Jin cheezo ki hifazat main nahi kar paya, usne anjaan hote hue bhi unhe sambhal ke rakha is baat ne mera dil jeet liya.

AJ main us bacche ka rinni ban gaya tha. Maine faisla kiya ki main use ek acha future dunga. Uske parents ko ek achi zindagi dene ki koshish karunga. Maine army join ki or usse jo bhi facilities aur paise milte the main us bacche ki padhai aur uski family ko ek achi life provide karne ki koshish karta.

AJ Saalon beet gaye. Main ab army officer se retired general ban gaya hu.
Aur wo baccha sukhant ab army ka hissa bankar mera or apne desh ka gaurav bdha raha hai.