ಮನಸು ಮನಸುಗಳ ವಿಷಯ....

ನೋವು ತುಂಬಿದ ಮನಕೆ ಚೂರು ಸ್ಫೂರ್ತಿ ನುಡಿ ತುಂಬಿ,ಅವರಿಗೆ ಬದುಕಿನ ಉತ್ಸಾಹ ಮತ್ತೆ ಮರಳುವಂತೆ ಮಾಡುವ ಕೆಲಸ ಅಷ್ಟು ಸುಲಭದಾಯಕವಲ್ಲ.ತುಂಬಾ ಸಮಯ ಅಂತಹ ಮನಸುಗಳ ನಡುವೆ ಬೆರೆಯಬೇಕು..ಸದಾ, ಅವರ ಜೊತೆಯಲ್ಲಿ ನಾವಿದೀವಿ ಎಂಬ ಭಾವ ಅವರಿಗೆ ಮನದಟ್ಟು ಆಗುವಂತೆ ಜೊತೆಯಲ್ಲಿ ಸಾಗಬೇಕು... ಯಾರೂ ಇಲ್ಲ ತನಗೆ, ಎಂದು ಯೋಚಿಸಿ ಖಿನ್ನತೆಗೆ ಒಳಗಾದ ಮನಸ್ಸು, ಏಕಾಂತತೆಯನ್ನು ಬಯಸಿ ನಡೆಯಲು ಹೊರಡುತ್ತದೆ..ಅಂತಹ ಸುಪ್ತ ಮನಸನ್ನು ಮತ್ತೆ ಮರಳಿ,ಅದೇ ಸೃಷ್ಟಿಸಿಕೊಂಡ ನೋವಿನ ಭ್ರಮೆಯ ಲೋಕದಿಂದ ಹೊರ ತರುವುದು ಕೂಡ ಶ್ರಮದಾಯಕದ ಕೆಲಸ.
ಇಂದಿನ ದಿನಗಳಲ್ಲಿ ಸಮಯ ಮೀಸಲಿಡುವುದು ಎಂದರೆ,ಅದು ಹಣಕಿಂತಲೂ ದೊಡ್ಡ ವಿಷಯವೇ ಸರಿ. ಅವರವರ ಕೆಲಸ ಬದಿಗೊತ್ತಿ, ಅಂತಹ ಮನಸುಗಳ ಜೊತೆಯಲ್ಲಿ ಆಪ್ತವಾಗಿ ಮಮತೆಯ ಸಂಹವನದಿಂದ ಅವರ ಮುಖದಲ್ಲಿ ನಗು ಅರಳಿಸುವ ಕಾಯಕ, ಕಷ್ಟ ಆದರೂ ಸರಿ,ಇಷ್ಟ ಪಟ್ಟು ಮಾಡ ಹೊರಟರೆ ಅಷ್ಟೇನೂ ಕ್ಲಿಷ್ಟಕರ ವಿಷಯ ಅಲ್ಲ.. ಆದರೆ ಮುಂದಿನ ಪರಿಣಾಮ ತುಂಬಾ ದುರಂತಮಯ...
ದುಃಖದಲ್ಲಿ ಇರುವಾಗ ಬಾರದ ಮಂದಿ,ಖುಷಿಯಲ್ಲಿ ಇರುವಾಗ ಧುತ್ತನೆ ಪ್ರತ್ಯಕ್ಷ...