کچھ ہی عرصہ پہلے کی بات ہے کہ جب محبت کے بارے میں میرے نظریات ابھی خام تھے یا شاید محبت کے متعلق ابھی میرے خیالات تخلیق ہو رہے تھے تب مجھے لگتا تھا محبت صرف فلموں ڈراموں اور ناولوں کے ہیرو ہیروئن کے ڈائیلاگز میں ہوتی ہے یا یہ شاعروں کی غزلوں میں پائی جاتی ہے مجھے لگتا تھا کہ اپنے جیسا ایک انسان کسی کے لیے اتنا خاص کیسے اور کیوں بن سکتا ہے اپنی ذات پر کسی کو ترجیح اور اتنے اختیارات کیسے دیے جاسکتے ہیں؟ یک طرفہ، دو طرفہ، پہلی نظر میں محبت، یہ سب کچھ بھی نہیں ہوتا بلکہ محبت بذات خود کچھ بھی نہیں ہوتی مگر پھر ایک دن اس نے مجھے محبت بھری نظروں سے دیکھا تو میں آنکھ جھپکنے سے پہلے محبت آشنا ہو گئی مجھے میرے چاروں طرف صرف محبت نظر آنے لگی یہاں تک کہ اس لمحے مجھے خود اپنا آپ بھی پہلی بار اچھا لگنے گا کچھ جذبات احساسات پہلی بار دل و دماغ میں ابھرے میں جذباتی طور پر خود کو کسی اور جہان میں محسوس کرنے لگی اس کی ایک نظر کی بات تھی محبت میرے رگ و پے میں سما گئی میں محبت محبت ہو گئی۔۔۔۔۔۔۔۔۔۔
اففففف یہ سب نا قابلِ بیان ہے ۔۔۔۔۔۔۔۔۔
بس اتنا کہ محبت کے متعلق میری رائے بدل گئی اور اب محبت کے متعلق ہر ان کہی ان سنی بات کو فوراً مان لیتی ہوں کہ محبت میرے مشاہدوں سے اب میرے تجربوں میں شامل ہو گئی ہے
©  ؔصائمہ الفت