"நந்தினி! பச்சை மாங்காய் உப்பு சேர்த்து சாப்பிட்டால் சுவையாக இருக்கும்." ராணி வாயில் உமிழ்நீர் ஊறக் கூறினாள்.

"ஐயோ! எனக்கு பல் எல்லாம் கூசுகிறது." மரியா வாயைக் குவித்து தோளைச் சுருக்கி நெளிந்தாள்.

"எனக்கு சாப்பிட முதலே வாயில் உமிழ்நீர் சுரக்கின்றது." ஜெகனும் சேர்ந்து கொண்டான்.

"தெரிவினைச் செயன்முறை.....சரி தானே?" சிரித்தாள் ராணி .

"அது சரி! மாங்காய் ஏன் புளிக்கிறது?" மரியா அறிந்து கொள்ளும் ஆவலில் கேட்டாள்.

"அதில் அமிலம் உள்ளது. அமிலம் புளிப்புச் சுவை உடையது என டீச்சர் சொல்லித் தந்துள்ளார்." நந்தினி கூறினாள்.

"அசிட் ஆ...... ? வாய் பழுதாகி விடாதா?" ராணி பயந்து போய் கேட்டாள்.

"இல்லை.  மாங்காயில்  ஒக்சாலிக்கமிலம்,( oxalic acid) சிட்ரிக் அமிலம் (citric acid)  , மலிக்கமிலம் (malic acid), சக்சினிக்கமிலம்( succinic acid) ஆகிய மென்னமிலங்கள் காணப்படுகின்றன. இதனால் தான் மாங்காய் புளிப்புச் சுவையாக உள்ளது." நந்தினி விவரித்தாள்.

"வேறு என்ன உணவுப் பொருட்களில் மென்னமிலங்கள் உள்ளன  ராணி?"
ஜெகன் வினவினான்.
" எலுமிச்சை, தோடம்பழம், தக்காளி, புளியம் பழம், அன்னாசிப்பழம், கொரக்காப் புளி......போன்றவை "
பட்டியல் வாசித்தாள் ராணி.

" கொரக்காப் புளியில் என்ன அமிலம் உள்ளது? அது உடலுக்கு நல்லது என்று அப்பா சொல்லக் கேட்டிருக்கிறேன் " ராணி தொடர்ந்து வினவினாள்.

" கொரக்காப் புளியில் தாத்தாரிக்கமிலம், பொசுபோரிக்கமிலம், சிட்ரிக் அமிலம் என்பன உள்ளன என்று நான் இணையத்தில் வாசித்திருக்கிறேன்." என்றாள் நந்தினி.

"இந்த அமிலங்களினால்  மனித உடலுக்கு தீமைகள் ஏதும் இல்லையா?" மரியா வினவினாள்.

" ஏன் இல்லாமல்? இவற்றை அதிகமாக சாப்பிட்டால் உடலில்...