...

20 views

this is for you 🤗🤗
Suno.....
Aaj se 20_30 saal baad bhi agar tumhe meri yaad aaye aur mujhse baat karne ka Mann kare to bina kuch soche mujhe call kar dena.
uss time mai I love you to nahi bol.paungi,lekin tumhari khairiyat jarur pucchungi.

Aaj se 20_30 saal baad agar tumhe lage ki hame milna chahiye to bejhijhak mujhse milne chale aana.uss wakt mai tumhare gale to nahi lag paungi magar tumhare sath chay jarur piyungi.janti hu tumhe chay nahi pasand hai lekin uss ek din mana mat karna.

Aaj se 20_30saal baad agar tumhe hamari mohabbat yaad aaye,aur tum mujhse pucch baitho ki kya tum aaj bhi mere dil me ho.
uss wakt meri aankhen num hone lagengi,mere rukhsaaron par khamoshi chha jayegi,lekin tum phir bhi samjh Jana ki mai uss wakt bhi sirf tumse pyar karti rahungi.
ye baat agar tum nahi bhi samjh paye to meri aankhon me dekh kar samjh jaoge.

Aaj se 20_30 saal baad agar tum mujhe pucch baitho ki "kya tum mujhe aaj bhi yaad karke rotee ho, mujhe yaad karti ho "
uss wakt mera jawab hoga,ghar ke kaamo aur jimmedariyon se fursat kaha milti hai rone ke liye,haa aksar tanhaaiyon me baith kar tumhe sochti zarur hu.

Aaj se 20_30 saal baad sab kuch badal jayega.mai bhi buddhi ho jaungi.mere chehre par jhhurriya apna adhikaar kar lengi.aur uss umar me mai thodi chidchidi ho jaungi.

haa uss wakt jo nahi badlega vo hogi mere dil me tumhare liye jo izzat hai jo pyar hai.jo kal bhi tha aaj bhi hai aur mai jab tak zinda rahungi tab tak rahega.

© hema singh __