പച്ചക്കറി മാർക്കറ്റിൽ നല്ല തിരക്കുണ്ടായിരുന്നു. "ഈ ബീറ്റ്റൂട്ട് കുറച്ചു കൂടി എടുക്കാം അല്ലേ ", ഇതു കേട്ട് ജോൺ, " വീട്ടിൽ മിനിഞ്ഞാന്ന് വാങ്ങിയത് ഉണ്ടല്ലോ, പിന്നെന്തിനാ....... ", " അത് പിന്നെ ചേട്ടായീക്ക് അറിയില്ലേ അമ്മച്ചിക്ക് ബീറ്റ്റൂട്ട് കണ്ടാൽ ആക്രാന്തം ആണെന്ന്....., ", " കുറച്ചു വഴുതനങ്ങ കൂടി വാങ്ങാം അല്ലേ മക്കളെ.... ", "എങ്കിൽ ഒന്ന് വേഗം എല്ലാം വാങ്ങിക്ക് പോയിട്ട് എനിക്ക് തിരക്കുണ്ട് ", "എടാ നീ കണ്ടില്ലേ ഈ തെരക്ക്, അവരൊക്കെ വാങ്ങുന്നത് കണ്ടില്ലേ, അത് വരെ നമുക്ക് പതുക്കെ സാധനങ്ങളൊക്കെ എടുത്ത് വെക്കാം ", ദേഷ്യത്തോടെ ജോൺ പറഞ്ഞു, "എല്ലാരേയും കാത്തു നിന്നാൽ സമയം പോകും, എനിക്ക് പെട്ടെന്ന് സ്റ്റുഡിയോയിൽ എത്തണം, അമ്മച്ചിക്ക് ഇവനെ മാത്രം കൂടെ കൂട്ടി വന്നാൽ പോരെ, എന്തിനാ എന്നെ പിടിച്ചു വലിച്ചു കൊണ്ടു വന്നത് ", "മോനെ നിന്നോട് എനിക്ക് ഒരു കാര്യം പറയാനുണ്ട് ", "എങ്കിൽ പിന്നെ അത് വീട്ടിൽ നിന്ന് പറഞ്ഞാൽ എന്താ...... ", "അവിടെയായാൽ ഏതു നേരവും ഫോണിന്റേയും കമ്പ്യൂട്ടറിന്റേയും മുന്നിൽ അല്ലേ... ", "എന്നാൽ ഒന്ന് വേഗം പറ...... ", "കാര്യം വളരെ സിമ്പിൾ ആണ്, നാളെ നമ്മൾ എല്ലാരും നിനക്ക് വേണ്ടി പെണ്ണ് കാണാൻ പോകുന്നു, അതോണ്ട് നാളെ സ്റ്റുഡിയോയിൽ പോവണ്ട...... ", അത്ഭുതത്തോടെ അവൻ, "പെണ്ണ് കാണാനോ.....?, എനിക്കോ...... ", " എന്താ കാണണ്ടേ...... ", "എന്റെ പൊന്ന് അമ്മച്ചി എനിക്ക് ഇപ്പൊ കല്യാണം വേണ്ട......, എനിക്ക് അങ്ങനെ പെട്ടെന്ന് ഇങ്ങനെയുള്ള ഭാരങ്ങളൊക്കെ എടുത്ത് തലയിൽ വെക്കാൻ പറ്റില്ല, അതോണ്ട് എന്ത് പറഞ്ഞാലും ഞാൻ നാളെ പെണ്ണ് കാണാൻ വരില്ല... ", "കിട്ടിയ ഒരു ചാൻസ് അല്ലേ ചേട്ടായീ..... ", ദേഷ്യത്തോടെ അവൻ ജെറിയെ നോക്കി, "ഡാ ചെറുക്കാ....., നീ നിന്റെ കാര്യം നോക്കിയാൽ മതി, എന്റെ കാര്യം നോക്കാൻ എനിക്ക് അറിയാം.....,". "നിന്റെ കാര്യപ്രാപ്‌തി എനിക്ക് അറിയാം, കൂട്ടുകാരുടെ കല്യാണം നടത്തൽ അല്ലെ നിന്റെ കാര്യപ്രാപ്തി......, പ്രേമിച്ച ആൾക്കാരെ ഒളിച്ചോടാൻ സഹായം ചെയ്യുക, അവരുടെ വീട്ടുകാർ പ്രശ്നം ഉണ്ടാക്കുമ്പോൾ ഇടപ്പെട്ട് ഒന്നിപ്പിക്കുക അതൊക്കെ അല്ലേ....., ഇനി എന്റെ മോൻ സ്വന്തം കാര്യം മാത്രം നോക്കിയാൽ മതി, വയസ്സ് 29ആയി, ആ ചിന്ത ഉണ്ടോ നിനക്ക്. നാളെ നീ എന്തായാലും ഞങ്ങടെ കൂടെ വരും...... " , "അവിടെ എന്താ വേണ്ടത്....? ", "ഞങ്ങൾ സാധനങ്ങൾ എടുത്തു, ഇതൊക്കെ ഒന്ന് പെട്ടെന്ന് ബില്ല് ആക്കിക്കോ ", എടുത്ത പച്ചക്കറികളൊക്കെ ആയി സാറ കടയുടെ അകത്തേക്ക് പോയി, ആ സമയം, " എന്റെ ചേട്ടായീ....., ചേട്ടായീ ഇഷ്ടമില്ലെങ്കിൽ വേണ്ട, വെറുതെ ഒന്ന് പെണ്ണിനെ കണ്ടാൽ മതി, എന്നിട്ട് ഇഷ്ട്ടപെട്ടോ ഒന്ന് ചോദിച്ചാൽ ഇഷ്ടപ്പെട്ടില്ല എന്ന് പറയണം..... ", "എങ്കിൽ പോകാതിരുന്നാൽ പോരെ..... ", "എന്തായാലും ഈ പെണ്ണ് കാണൽ ചടങ്ങ് മുടക്കാൻ പറ്റുമെന്ന് എനിക്ക് തോന്നുന്നില്ല, അതോണ്ട് ഇതേ വഴിയുള്ളൂ...... ".
"മാഷ് എന്താ പച്ചക്കറി മാർക്കറ്റിൽ.....?, ഇപ്പൊ ഉത്തരവാദിത്തം ഒക്കെ ആയോ.....? ", ശബ്ദം കേട്ട് അവൻ തിരിഞ്ഞു നോക്കി, "ഓ...., മീര താൻ എന്താ ഇവിടെ....? ", ഈ സംസാരത്തിനിടയിൽ ജെറി സംശയത്തോടെ ചിന്തിച്ചു, "ഇതാരാ...., പുതിയൊരു അവതാരം...., അല്ല ഇവൻ എപ്പോഴാ മാഷ് ആയത്......? ".
© ANJU