"என்னடி மீனாட்சி, கோழி வாடை எட்டு ஊருக்கும் மணக்குது?, வீட்டுக்காரன் ஊர்ல இருந்து வந்துட்டான? ". மீனாட்சியின் சிரிப்பில் எப்பொழுதும் தொனிக்கும் இறுக்கம் அன்று இல்லை, மாறாக பெண்மையின் பலம் கொண்ட திமிர் சற்று தைரியமாக எட்டிப் பார்த்தது. அதை வெட்கம் என்று எண்ணி "என் ராசாத்தி ! ஒன் சிரிப்பு மாதிரியே சந்தோசமா எப்பவும் இருப்ப தாயி நீ", என்று வாழ்த்தி நகர்ந்தாள் பக்கத்து வீட்டுக்கார கிழவி. அவள் பெயர் என்னவோ தெரியாது, கொட்டுக்கார கிழவி என்றால் ஊரில் பிரபலம்.
கைபேசி விடாமல் அனத்திக் கொண்டிருந்தது, இரு முறை அப்பா அழைத்திருக்கிறார், பல முறை...