...

12 views

Ladke bhi Rote hain..
Bat kal hi ki hai.. Kal jab mai office gya ,
to har roz ki tarah ek sir ko good morning kiya .. but kal mujhe koi jawab nhi mila.
Mai thoda hairaan hua Kyunki har din to wo bahut achchhe se respond krte hain.

Par unki aankhein dekhkr lga ki bahut roye hain.
maine socha abhi puchhna theek nahi hain.
Kuchh ghanto baad fir puchha ki bhai btao to kya hua .

To unhone kaha ki unke dost ki Mummy admit hai hospital me.. Or bahut serious hai.
6 units blood chahiye.
Unhone aage kaha ki unke dost ne jin bhi relatives ke kaam hmesha kiye hain. Wo sb support nhi kr rhe.. Or itna kehte hue wo fir se rona shuru kr dete hain.
Fir bole wo kaise seh rha hoga ye sb.
Maine kaha don't worry. Sb arrangements ho jayega .
Fir aaj subah se unka call aaya mere pas.
Aaj Sunday ki wajah se chhutti hai office ki.
Unhone mujhse kaha aap aa jaoge kya.
Maine kaha Ha mai bs ghr ke kuchh kaam hai wo nipta ke aata hu.
Actually ghr ke kaam se mtlb hum jo new ghr me shift hue usme thoda repairing ka kaam hai . to Mistri ko lekr aana tha. Usko lekr aane ke baad fir hospital pahucha.
Jaha wo sir ek unit already de chuke the.
2-3 unit bhi unke kuchh dosto ne kr diya.
last me Mai pahucha ..Mere baad waha blood ki requirement bhi puri ho gyi.
Wo sir bhi bahut khush hue. Unhone kaha
ki Operation successful hua hai unke dost ki mummy ka. Bahut relax lge wo mujhe.
Mai bhi bahut khush hu ki kisi ke kaam aa ska .
Meri aap sbse request hai ki jitna ho ske kisi na kisi ke kaam aayein. Zindagi wahi jo dusro ke kaam aaye .
To dosto agr koi ldka roye to smjh lena bahut jyada tkleef me hain.
Kyunki ladke kisi ke saamne rote nahi hai
Hmesha koshish krte hai,
Apne aansuon ko chhupane ki .
Thank you so much story pdhne ke liye.😊🙏

© IndoreKeGopal