വിഷുക്കണി കാണലും ക്ഷേത്രദർശനവും കഴിഞ്ഞ് സ്വസ്ഥമായി ഉമ്മറപ്പടിയിലെ തൂണിൽ വെറുതെയൊന്ന് ചാരിനിന്ന ശ്രേയയുടെ മനസ്സിൽ ഓർമ്മകൾ ഓളംവെട്ടുകയായിരുന്നു. നൃത്താധ്യാപികയായ അമ്മയുടെ കുട്ടികൾ വിഷുദിനത്തിൽ വീട്ടിലെത്തുന്നതും ഒരുമിച്ച് നല്ലൊരു നൃത്തസദ്യ ഒരുക്കുന്നതുമെല്ലാം അവളുടെ മനസ്സിൽ തെളിഞ്ഞു. തന്റെ സംഗീതവഴിയിലൂടെയുള്ള യാത്രയുടെ ആദ്യപ്രചോദനവും അമ്മ തന്നെ.

വിവാഹം വേണ്ടെന്ന തന്റെ തീരുമാനത്തിൽ ആദ്യമൊക്കെ അൽപ്പം അസ്വസ്ഥയായിരുന്ന അമ്മ സംഗീതത്തോടുള്ള തന്റെ അഗാധപ്രണയം തിരിച്ചറിഞ്ഞ് ചേർന്നുനിന്നു. തൂണുകളുള്ള വരാന്തയും പടിപ്പുരയുമൊക്കെയുള്ള ഈ വീട് തന്റെ ആഗ്രത്തിൽ പണിയുമ്പോൾ ഏറെ സന്തോഷിച്ചതും അമ്മ തന്നെ.

ഓരോന്നാലോചിച്ചു നിൽക്കുന്നതിനിടയിൽ ഒരു കടുംനീല ബെൻസ് കാർ പടിപ്പുര കടന്ന് മുന്നോട്ട് വരുന്നത് കണ്ടപ്പോൾ...