Disclaimer : Jo ghatna mai neeche likh rahi hu, vah ek satya ghatna hai, jo ki mere nanihal mein kaafi saalo pehle ghati thi, isme kisi prakar ka koi dawa nahi kiya gaya hai ki bhoot hote hai, yah bas kuch anubhav hai jo kisi ke saath ghate the, aage manna ya na manna, apke upar hai.
Mai bas itna kahungi ki hawa hai, to bhoot bhi hai, dono hi dikhayi nahi dete!

Jab bhi hum, aisa koi title padhte hai 'ek sachi bhootiya ghatna' mann me ye sawal zaroor ata hoga n, ki sach hai ya bas bacho ko darane ki ek koshish!
So, let's start :-

Baat aaj se kareeb 30-35 saal purani hai, ek admi tha Ramu naam ka (say), vo kisi karkhane mein watchman ki job karte the, uss samay unki age 25-30 k kareeb rahi hogi.
Unki zindagi mein sabkuch normal hi chal raha tha, tabhi ek din subah sabko khabar mili ki Ramu kaka (hum unhe kaka kahenge, humse bade h vo, ok😊😅), ha to khabar mili ki Ramu kaka ki tabiyat kharab ho gayi, achanak tabiyat itni kharab ho gayi ki 105° bukhar! Sabko chaukane wali baat thi ye!
Kyuki kal tak to Ramu kaka bilkul theek the, par jab se vo apni night duty karke laute the ghar par, unhe itna tez bukhar tha, aisa achanak kaise hua, ye sochkar unke gharwalo ki chinta or bhi badh rahi thi. Doctor ko bulaya gaya, Dr. Khud hairan tha ki aise kaise unhe itna tez bukhar aa gaya, Kaka thand se kaamp rahe the, ye baat sabko or bhi zyada hairan kar rahi thi, kyuki garmi ke mausam me razayi udha di unhe, fir bhi vo aise kaamp rahe the, maano thand mein unpr kisi ne barf ka paani daal diya ho!
Dr. ne dawai de to di, par saath hi ye bhi kaha, ki unhe zaroor kisi cheez se darr lag gaya hai, shayad yahi wajah hai...