Hello Dosto..!!

Bina der kiye kahani aage bdhata hun.
Ummeed hai aap sb theek honge or ye real story ka pehla part bhi apko pasand aaya hoga . Ek or bat mai jo personally aap sbhi se kehna chahta hu ki koi bhi ho.. Please apni insaniyat hmesha barkarar rkhiye..Agr apko us maalik ne salamat bnaya hai . Apko roz waqt pr khana mil rha hai..apko apni zindagi hospital me nhi guzarni pd rhi . Na aap kisi ke sahare se zindagi jee rhe hain..Aap apni mrzi se sb kar pa rhe hai..Kha rhe hai, pehen rhe hain ..paise bhi hain.. to please us maalik ka bhagwan ka shukr krein.. Duniya me laakhon karodon ese bhi hain jinme kahi na kahi koi na koi kmi hai..paisa hai to sharir sahi nahi..kuchh na kuchh kmi bahut se logo me hain.
Ab kahani aage bdhate hain..

Truck ke guzar jane ke baad unhone jaise tese himmat krke aas pas ki bheed me kaha ki koi meri beti ko call krdo..

Unki beti ke aane tk log unhe hospital pahucha chuke the.
3-4 mahine admit rhe.. Financial problem aa gyi..Saal do saal ghr bhi baithe . mtlb har taraf se pareshan..Or dono paanv se laachar hue wo alag .

Ab unhone case kiya ..Truck wale ki details aas pas kisi ne le rkhi thi.. to identify krke us pr case kr diya..
Yaha se apni story ke title wale jo character hai unki entry hoti hai..

Wakeel Sahiba..jinka naam to mujhe yad nhi . Lekin jitna Uncle ne btaya ..mai puri koshish krunga koi bhi point bhulu nhi..

Ha to wakeel sahiba ne uncle se kaha ki humne ji case kiya hai usse 8 laakh rupaye apko milenge .
Uncle ko lga ki itne me hospital ka jo krza hua tha 1.5-2 laakh wo bhi ho jayega..baaki wakeel Sahiba ki fees or kuchh paise bach jayenge..Jisse kuchh na kuchh wo kaam shuru kr skenge baithe baithe ka .
to ye sb planning krke Uncle ji baith gye.

waqt guzarta gya dheere dheere saal do saal hone ko aaye .
Uncle unke pas jb jaye tb yahi jawab mile ki chal rha h case..Bta denge apko..ese krke wo har bar koi na koi bahana le lete the.

Ab ek din yunhi Uncle wakeel Sahiba ke pas pahuche.. Update lene .to btaya
ki Apka case to khatam ho gya..
uncle shocked..!!
Ki kb..??
Madame ne kaha ki Lok Adalat me..

Ab mai aap logo ko thoda detail me bta deta hu . ki Lok Adalat ek esi jagah hai jaha cases ki hearing hoti hai or waha jo judgement diya jata hai wo final h. uske baad aap na high court ja skte hain , na supreme court..Mtlb saare raaste wahi bnd ho jate hain..

To hua kuchh yun ki Madame ne un party se milkr smjhota kar liya or jaha 8 laakh milna the . waha 2 laakh tk pr kahani simat gayi.. or wo paisa bhi pension ke koi criteria me chala gya.. mtlb jab Uncle 60 years ke honge tb milega . It means ki jb unka accident hua uske baad 4-5 saal unhe wait krna pda..

Jis din maine unhe lift di us din ke 2-3 mahine baad ka uncle ne btaya ki tb paisa aayega .
Or yakeen maaniye madame ki fees wagerah dene ke baad shayad hi kuchh paisa bache uncle ke pas.

To ye thi hmari wakeel Sahiba jinhone kuchh paiso ke laalach me kisi ki zindagi ko jo thoda sahara mil skta tha unse wo haq bhi chheen liya.

Dosto jb uncle ko mai jaha drop krne ja rha tha . waha wo ek kisi ghr me Cow, Buffalo ki dekh rekh krte hai .Doodh nikaalna, Gobar phenkna wagerah..
mtlb Unki condition esi hai ki paisa kmana unki zaroorat bhi hai or majboori bhi.
agr wo paisa unhe milta to shayad chhoti moti koi shop daalkr baith skte the .
Khair yahi kissa tha jo mujhe bahut dino se share krna tha..but bahut jyada busy hone ki wajah se itna waqt lga..
Mai sbhi se request krta hun..
ki Aap jis bhi majhab, Dharm, jaat ke ho..
Uprwale ko jawab dena padega..
kisi ka bhi galat na soche..na kre..
Jb kisi ka dil dukhta hai to Baddua nikalti hai..
or yakeen maaniye
Dua ho ya Baddua..kbhi khaali nhi jati..

Bahut Bahut Shuqriya Aapka story puri pdhne ke liye..🙏🙏
Khush rahiye Mast rhiye.
Jitna ho ske.. Dusro ke kaam aaiye.
© IndoreKeGopal