പലതും കേട്ടിട്ടും ചെവി കൊട്ടി അടച്ചിരിക്കുമ്പോഴാണ് സ്വന്തം ആളുകൾ പോലും.... അവൾക്ക് താങ്ങാവുന്നതിലും അപ്പുറമായിരുന്നു...
പക്ഷെ ഒന്നിലും അവൾ ചെവി കൊടുത്തില്ല.....ആരും ഒന്ന് അശ്വസിപ്പിക്കാൻ പോലും വന്നില്ല...



പിറ്റേന്ന് രാവിലെയാണ് പോസ്റ്റ്മോർട്ടം കഴിഞ്ഞു ബോഡി വീട്ടിൽ കൊണ്ട് വന്നത്....

അപ്പോഴേക്കും തങ്ങളുടെ പ്രിയപ്പെട്ട ശ്യാമിനെ ഒരു നോക്ക് കാണാൻ ആ വീട് നിറയെ ആൾക്കാർ തടിച്ചു കൂടി....

അങ്ങനെ കല്യാണത്തിന് കെട്ടിയ പന്തൽ മരണത്തിനും താങ്ങായി...


ബോഡി ആ വീടിന്റെ നടുത്തളത്തിൽ പൊതുദർശനത്തിന് വെച്ചു...

ശ്യാമിന്റെ ഓഫീസിലെസ്റ്റാഫും അവന്റെ ഫ്രണ്ട്സും റിലേറ്റീസ്സിനെയും കൊണ്ട് ആ വലിയ വീട് നിറഞ്ഞു.....

പക്ഷെ ഇതൊന്നും ഋതുവും ആ കുഞ്ഞും അറിഞ്ഞില്ല.....അവസാനം ബോഡി എടുക്കാറായപ്പോൾ അമ്മു അവളെയും കൊണ്ട് താഴേക്ക് ചെന്നു.... ശ്യാമിന്റെ അമ്മക്കൊക്കെ അവളോട്‌ കടുത്ത നീരസം ഉണ്ടന്ന് അവരുടെയൊക്കെ മുഖ ഭാവത്തിൽ നിന്നും വ്യക്തമായിരുന്നു....

അവൾ അവിടെ പോയി കുറെ നേരം ആ മുഖത്തേക്ക് നോക്കിയിരുന്നു.... ഇനി ഒരിക്കലും ഈ മുഖം കാണാൻ കഴിയില്ല എന്നുള്ള സത്യം അവൾക്ക് താങ്ങാവുന്നതിലും അപ്പുറമായിരുന്നു... നിർജീവമായി അയാളെ നോക്കി നിൽക്കാനേ അവൾക്ക് കഴിഞ്ഞുള്ളു....

അവസാനം പട്ടടയിലേക്കെടുക്കുമ്പോൾ അവളുടെ കണ്ണിൽ നിന്നും ഒരു തുള്ളി കണ്ണ് നീർ പോലും വന്നില്ല.....എല്ലാവരുടെയും സംസാരം കേട്ട് അവളുടെ മനസ് മരവിച്ചു പോയിരുന്നു....

ആ വീടിന്റെ തെക്കു ഭാഗത്തു തന്നെയായിരുന്നു ആയാൾക്ക് ചിത ഒരുക്കിയിരുന്നത്.....
അവൾ തന്റെ റൂമിന്റെ ജനലഴികളിലൂടെ ആ ചിത കത്തിയെരിയുന്നത് ഒരു തരം നിസംഗതയോടെ നോക്കി നിന്നു...

തന്റെ മുന്പോട്ടുള്ള ജീവിതം എന്താനിന്നുള്ളത് ഒരു ചോദ്യ ചിഹ്നമായി അവിശേഷിച്ചു....ആ ജീവിതവും ആ ചിതയിൽ കിടന്ന് കത്തി അമരുന്നതായി അവൾക്ക് തോന്നി....

ചിത കത്തി തീരുന്നതിനു മുൻപ് ബന്ധുക്കൾ ഓരോന്നായി ആ വീടിന്റെ പടിയിറങ്ങി....

ഒരു തരത്തിൽ പറഞ്ഞാൽ ഋതുവിന് അതൊരു ആശ്വാസം ആയിരുന്നു...


പിന്നെ അമ്മു ഉണ്ടായിരുന്നത് കൊണ്ട് അവൾ കുഞ്ഞിന്റെ കാര്യങ്ങളെല്ലാം നോക്കി.....അവൾ ഋതുവിനെ സമാധാനിപ്പിക്കാനും മറന്നില്ല....

പത്മിനിയെ പിന്നീട് റൂമിന് വെളിയിൽ കണ്ടതെ ഇല്ല......
അവർ ആ റൂമിൽ തന്നെ കഴിച്ചു കൂട്ടി...

💕💕💕💕💕💕💕💕💕💕

മോനെ ശ്യാമേ....

അവർ ശ്യാമിനെ ഉറക്കെ വിളിച്ചു കൊണ്ട് ചാടി എഴുന്നേറ്റു..

പപ്പി എന്താടാ എന്ത് പറ്റി.????

വിശ്വൻ വേഗം ലൈറ്റിന്റെ സ്വിച്ച് ഓൺ ആക്കി.....

ശ്യാം.... ശ്യാം... അവർ ആ മുറിയുടെ ഒരു മൂലയിലേക്ക് കൈ ചൂണ്ടി...

എന്റെ പപ്പി നിനക്കെന്താ???

അവൻ ശ്യാം.. അവർ അലമുറ ഇട്ട് കരയാൻ തുടങ്ങി...

വിശ്വേട്ട അവളെ ഇനി ഒരു നിമിഷം പോലും ഇവിടെ വെച്ചോണ്ടിരിക്കില്ല....

അവളാ എന്റെ ശ്യാമിനെ....അവൻ മരിക്കാൻ കാരണം അവളാ.... അവർ ഓരോന്ന് പുലമ്പി കൊണ്ടേ ഇരുന്നു...

എന്റെ പപ്പി നീ ഒന്നടങ്ങു... ഇതൊരു മരണം നടന്ന വീടാണ്..പ്ലീസ് ഞാൻ പറയുന്നതൊന്ന് കേൾക്കു...

എനിക്കൊന്നും അറിയണ്ട... അവർ വേഗം കതകു തുറന്ന് ശ്യാമിന്റെ റൂമിലേക്ക് പാഞ്ഞു......

അവൾ അവിടെ വെറും നിലത്ത് ഇരിക്കുകയായിരുന്നു... കണ്ണിൽ നിന്നും ഒഴുകുന്ന കണ്ണ് നീര് മാത്രമായിരുന്നു അവൾക്ക് ജീവനുണ്ട് എന്നതിന് ഒരേ ഒരു തെളിവ്...

അവർ കാറ്റ് പോലെ അവളുടെ അടുത്തേക്ക് വന്നു... ഒരു കൈ കൊണ്ട് അവളെ തള്ളി പുറത്താക്കി......

അമ്മാ....

അമ്മയോ??? എന്നെ അങ്ങനെ വിളിക്കാൻ നിനക്കെന്ത് യോഗ്യതയാണുള്ളത്??? അമ്മ പോലും..കണ്ട അലവലാതികൾക്കൊക്ക അമ്മേ എന്ന് വിളിക്കാൻ ഞാനാരാ???

നീ നീ ഒറ്റ ഒരുത്തിയാണ് എന്റെ ശ്യാം., നിന്റെ ജാതക ദോഷം...അല്ലെങ്കിൽ അവനിപ്പോൾ ഇവിടെ ഉണ്ടാകുമായിരുന്നു....


നിഷ്കരുണം അവളെ അവിടുന്ന് തല്ലി പുറത്താക്കി.....

പപ്പി നീ ചെയ്യുന്നത് ശരിയല്ല.. എത്രയൊക്കെ നീ തല്ലി ഇറക്കിയാലും ഇവൾ ലീഗലി ശ്യാമിന്റെ ഭാര്യയാണ് അത് നീ മറക്കണ്ട....

ഭാര്യ ആണെങ്കിൽ എന്താ വിശ്വട്ട... ഇവളെ പോലുള്ളവളെ ഇവിടെ വെച്ചോണ്ടിരിക്കാൻ പറ്റില്ല....

അവിടെ നിന്നും ഇറങ്ങുകയല്ലാതെ അവളുടെ മുൻപിൽ മറ്റു വഴികളൊന്നും ഉണ്ടായിരുന്നില്ല...
ഇപ്പോൾ ഈ നിമിഷം ഇവിടെ നിന്നും ഇറങ്ങിക്കോണം... അവർ വീണ്ടും അവളെ പിടിച്ചു തള്ളി... അവളുടെ തല നേരെ ചെന്നിടിച്ചത് സ്റ്റേയർ കേസിന്റെ റൈലിംഗിൽ ആണ്..


തല പൊട്ടി ചോര വാർന്നു.. പക്ഷെ പത്മിനി അതൊന്നും കാര്യമാക്കിയില്ല. അവളെ തല്ലി
അവർ വെളിയിലിറക്കി..,കൂടെ അവൾ കൊണ്ട് വന്ന സാധങ്ങൾ അടങ്ങുന്ന ബാഗും എടുത്തിട്ടു കൊടുത്തു...

കുറെ നേരം അവൾ ആ കുഞ്ഞിനെ തന്നെ നോക്കി നിന്നു.....

എന്നിട്ട് ആ വീടിന്റെ വെളിയിലിറങ്ങി... എങ്ങോട്ട് പോകും എന്ന് യാതൊരു നിശ്ചയവും ഇല്ലായിരുന്നു .....

പാതി വഴിയിൽ ലൈഫ് തീർന്നത് പോലെ.... കുറെ നേരം ആ നിൽപ്പ് അവിടെ നിന്നു.....

പിന്നെ തിരിഞ്ഞു നടക്കാൻ തുടങ്ങി....

അവൾ ആദ്യം സ്വന്തം വീട്ടിലേക്ക് തന്നെ പോകാൻ തീരുമാനിച്ചു....അതിനാൽ
ബസ് സ്റ്റാൻഡിലേക്കാണ് പോയത്...അവളുടെ നാട്ടിലേക്കുള്ള ബസ് വന്നപ്പോൾ അതിൽ കയറി നാട്ടിൽ ഇറങ്ങി....

നാട്ടുകാരെല്ലാം അവളെ അന്യഗ്രഹ ജീവിയെ നോക്കുന്നത് പോലെയാണ് നോക്കിയത്...

പലരും പല കമന്റ്‌ കളും പറഞ്ഞു....പക്ഷെ അവൾ അതൊന്നും കാര്യമാക്കാതെ വേഗം വീട്ടിലേക്ക് നടന്നു... അവിടെ ചെന്നപ്പോൾ സിറ്റ് ഔട്ടിൽ തന്നെ മാമനും മാമിയും ഇരിപ്പുണ്ട്.... അവൾ നടന്നു വരുന്നത് കണ്ടപ്പോഴേ മാമിയുടെ മുഖം വീർത്തു....

മോളെ.... ഋതു....

മാമൻ ഓടി മുറ്റത്തേക്കിറങ്ങി.....

മാമി അകത്തേക്ക് കയറി പോയി.....

മാമ ഞാൻ വന്നത്.....

അത്രയും പറഞ്ഞപ്പോഴേക്കും അകത്ത് നിന്ന് വെട്ടു കത്തിയുമായി വരുന്ന രമയെ ആണ് കണ്ടത്.....

ഏട്ട ഇനി ഇവളെ ഇവിടെ കേറ്റി താമസിപ്പിച്ചാൽ ആ നിമിഷം ഞാൻ ഇവളെ കൊല്ലും.....
ഇവൾ... ഇവളെ ഇനി ഇവിടെ കയറ്റാൻ പറ്റില്ല... ആരൊക്കെ എന്തൊക്കെ പറഞ്ഞാലും....
ഞാൻ സമ്മതിക്കില്ല...
അവരുടെ ശബ്ദം കേട്ട് അയൽക്കാരൊക്കെ മതിലിനപ്പുറത്തു നിന്ന് എത്തി നോക്കാൻ തുടങ്ങി..... ചിലർ അവളെ കണ്ടതും എല്ലാവരും ഓരോന്ന് കുശു കുശുക്കാൻ തുടങ്ങി...

മാമി പ്ലീസ് ഞാൻ പറയുന്നതൊന്നു കേൾക്ക്....

നീ ഒന്നും പറയണ്ട ഇപ്പോൾ ഈ നിമിഷം ഇവിടെ നിന്നും ഇറങ്ങിക്കോണം......

ഞാനിവിടെ കേറി താമസിക്കാൻ വന്നതല്ല...താമസിക്കുന്നും ഇല്ല..

അവൾ പതുക്കെ പറഞ്ഞു തുടങ്ങി...

പണ്ടെന്നോ എന്റെ അച്ഛൻ ആക്‌സിഡന്റിൽ മരിച്ചതിൽ ഞാനെന്താ മാമി ചെയ്തത്.... അമ്മക്ക് ഭ്രാന്തായതിന് ഞാനെന്താ ചെയ്തത്.....തീരെ ഞാൻ കുഞ്ഞായിരുന്നപ്പോൾ അവർ ഓക്കേ മരിച്ചു പോയപ്പോൾ പിന്നെ അനുഭവിച്ചത് ഞാനല്ലേ??? മരിച്ചു പോയവർ ഒന്നും അനുഭവിക്കാതെ പോയതല്ലെ ഉള്ളൂ..
അതിനിപ്പോൾ ആരുടെ ജാതക ദോഷത്തെയാ ഞാൻ പഴി ചാരേണ്ടത്...മാമി പറ....

ഇന്നലെ എന്റെ ഭർത്താവ് ഏണിയിൽ നിന്നും വീണു മരിച്ചു അതിൽ ഞാനെന്താ ചെയ്തത്.....ഞാൻ അല്ലല്ലോ ഏണിയിൽ നിന്നും തള്ളി ഇട്ടത്....

അതിലും എന്റെ ജാതക ദോഷം... മാമി ഒന്ന് മനസിലാക്കണം ഓരോരുത്തരും ജനിക്കുമ്പോൾ ദൈവതിന് ഓരോ കണക്കു കൂട്ടൽ ഉണ്ട് അങ്ങനെയേ കാര്യങ്ങൾ നടക്കു...

അതിൽ ജാതകമോ ജാതക പൊരുത്തമോ ഇല്ല....

ജാതകം പെർഫെക്ട് ആയ എത്രയോ പേര് മരിക്കുന്നു....

അതിപ്പോൾ ആരുടെ ദോഷമാ....


ദൈവമല്ലേ മാമി അതൊക്കെ തീരുമാനിക്കുന്നത്.... നമുക്കതൊക്കെ തീരുമാനിക്കാൻ ആണെങ്കിൽ നമുക്കും ദൈവം ആകാമല്ലോ... അല്ലെ....അല്ലെങ്കിൽ ജാതകം എഴുതുന്നവർ ദൈവങ്ങളല്ലേ....

ഇത് പോലൊരു അവസ്ഥ മാമിയുടെ മക്കൾക്കാണ് വന്നതെങ്കിലോ???മാമി അവരെ ഉപേക്ഷിക്കുമോ ഇറക്കി വിടുമോ.????

പണ്ടൊക്കെ മാമി സ്നേഹത്തോടെ മോളെ എന്നു വിളിക്കുന്നത് കേൾക്കാൻ എത്ര കൊതിച്ചിട്ടുണ്ടന്നോ??? മുതിർന്നപ്പോഴാ മനസ്സിൽ ആയത് അത് വെറും പഴയ കിനാവായിരുന്നു എന്ന്.....

മതി പറഞ്ഞു പറഞ്ഞു എങ്ങോട്ടാ നീ???നീ എന്റെ മക്കളെ പ്രാകുവാനോ???നീ ഒരുപാട് സുവിശേഷമൊന്നും പുലമ്പണ്ട.... എനിക്ക് നിന്റെ ഒന്നും കേൾക്കണ്ട... നീ ഇവിടുന്ന് ഇപ്പോൾ ഇറങ്ങണം.....ഈ നിമിഷം എനിക്ക് അത് മാത്രമേ പറയാനുള്ളു.... അല്ലെങ്കിൽ നാളെ എഴുനേൽക്കുമ്പോൾ ആരുടെയും കഴുത്തിനു മുകളിൽ തല കാണില്ല....എന്റെ ശശിയേട്ട എനിക്ക് ഇവളെ ഇനി അംഗീകരിക്കാൻ പറ്റില്ല.......

രമേ നീ എന്താ പറയുന്നേ??? അവൾ എങ്ങോട്ട് പോകും.... അത് പറ..

പോട്ടെ പോയി ചാകട്ടെ... ഭൂമിക്ക് ഭാരമായി ഇവളെ പോലുള്ളവർ ജീവിക്കാതിരിക്കുന്നതാ ശശിയേട്ടാ നല്ലത്....

രമേ... അയാൾ അവരുടെ കരണം പുകച്ചൊന്നു കൊടുത്തു....

തല്ല് തല്ലി കൊല്ല്.... എന്നാലും ഞാൻ  പറയും.....

മാമ ഞാൻ കാരണം നിങ്ങൾ തമ്മിൽ വഴക്ക് കൂടണ്ട....

അവൾ തന്റെ ബാഗിൽ നിന്നും ഒരു പൊതി എടുത്തു...

അത് മാമന്റെ കയ്യിലേക്ക് വെച്ചു കൊടുത്തു....

ഇത് ആർച്ച മോൾക്കുള്ള എന്റെ സമ്മാനമാ....മാമൻ ഇനി എന്നേ ഓർത്തു സങ്കടപെടണ്ട.... ഞാൻ പോകുവാ....ഇനി വരില്ല... ഈ പൊതി ഇവിടെ തരണ്ടത് കൊണ്ട് മാത്രമാണ് ഇങ്ങോട്ടേക്കു വന്നത് ....

മോള് എങ്ങോട്ടാ...

അറിയില്ല.... അവൾ അയാളുടെ കയ്യിൽ മുറുക്കി പിടിച്ചു... എന്നിട്ട് തിരിഞ്ഞു നോക്കാതെ നടന്നു.....

അവൾ പോയതും അവൾ കയ്യിൽ കൊടുത്ത പൊതി രമ തട്ടിപ്പറിച്ചു വാങ്ങി... തുറന്നു നോക്കിയതും അവരുടെ മുഖം തെളിഞ്ഞു.....

അയാൾ അവൾക്ക് കൊടുത്ത മുഴുവൻ സ്വർണവും പൊട്ടും പൊടിയും പോലും കുറയാതെ അതിൽ ഉണ്ടായിരുന്നു.....

അത് കണ്ട് അയാളുടെ ചങ്ക് തകർന്നു പോയി..ഋതു എന്റെ മോള്. അയാൾക്ക് സഹിക്കാൻ കഴിയുന്നതിലും അപ്പുറമായിരുന്നില്ലേ????

നടന്നു നടന്ന് അവൾ ബസ് സ്റ്റാൻഡിൽ എത്തി....

എങ്ങോട്ട് പോകണം എന്നറിയാതെ കുറെ നേരം അവിടെ തന്നെ ഇരുന്നു....

കുറെ സമയത്തിന് ശേഷം എങ്ങോട്ടോ ഉള്ള ഒരു ബസ് വന്നു... അവൾ അതിൽ ചാടി കയറി.... അവൾ കയറുമ്പോൾ അതിന്റെ ബോർഡിൽ കണ്ട ഏതോ സ്ഥല പേര് പറഞ്ഞു ടിക്കറ്റ് എടുത്തു..,.

ബസ് രണ്ട് മണിക്കൂർ യാത്ര ചെയ്തു ആ സ്ഥലത്ത് ബസ്സ്റ്റാൻഡിൽ എത്തി.... അവളെ ഇറങ്ങി..

അവിടെ വെയ്റ്റിംഗ് ഷെഡിൽ തന്നെ കുറേനേരം ഇരുന്നു.... മനസ്സിൽ മാമി പറഞ്ഞ വാക്കുകൾ മാത്രമായിരുന്നു....

"ചാകണം ഇവളെ പോലുള്ളവർ ഭൂമിക്ക് ഭാരമായി എന്തിനാ ജീവിക്കുന്നത് ".....



മറക്കും തോറും ഓരോ വാക്കുകളും മനസിലേക്ക് തികട്ടി തികട്ടി വന്നു....

അപ്പോഴേക്കും സന്ധ്യ ആയി... പതുക്കെ പതുക്കെ ചുറ്റും ഇരുട്ട് പരക്കാൻ തുടങ്ങി....

അപ്പോഴാണ് ഒരു കൂട്ടം ചെറുപ്പക്കാർ ആ വെയ്റ്റിംഗ് ഷെഡിലേക്ക് കയറി വന്നത്....

വെള്ളമടിച്ചു കോൺ തെറ്റി ഇരിക്കുകയാണെന്ന് അവരെ കണ്ടാൽ തന്നെ അറിയാം..

അവർ അവിടെ ഇരുന്നു ഋതുവിനെ വർണിക്കാൻ തുടങ്ങിയപ്പോൾ അവൾ വേഗം അവിടെ നിന്നും ഇറങ്ങി നടന്നു കൂടെ അവരും... അവൾ ഓടി... അവരും പുറകെ ഓടി ഒരു ഇടവഴിയിലേക്ക് കയറി......ആ ഇടവഴി കടന്നു അവൾ മെയിൻ റോഡിലേക്ക്  ഓടി കയറുകയും ഒരു കാർ അവളെ വന്നിടിച്ചു....അവൾ അതിന്റെ മുൻപിലേക്ക് വീഴുകയും ചെയ്തു...

(തുടരും )


© All Rights Reserved