"சீக்கிரம் இந்த புடவையை கட்டிக்கொண்டு வா!"

"எதற்காக மா?"

"இன்று உன்னை பெண் பார்க்க வருகிறார்கள். சீக்கிரம் தயாராகி வா டா'"

"மா" எனக்கு எதற்கு இப்பொழுது கல்யாணம்? எனக்கு இப்பொழுது கல்யாணம் வேண்டாம்!

இங்க பாரு டா ' 'உன்னுடைய விருப்பத்திற்காக இத்தனை நாட்கள் நீ சொன்னதை கேட்டு அமைதியாக தானே இருந்தோம். 'நீ ஒருவனை காதல் செய்கிறாய் என்றாய்' 'நாங்களும் உன்னுடைய காதலுக்கு மதிப்பு அளித்து சரி என்றோம்!' ஆனால் நடந்தது என்ன?

அவன் உன்னை உண்மையாக காதலிக்கவில்லை! பேருந்து பயணம் போல உன்னிடம் சிறிது காலம் காதல் என்ற பெயரில் நேரத்தை எப்படி வீணாக்க உன்னிடம் பழகி இருக்கின்றான். உன்னுடைய மனமோ 'காதல்' என்ற வார்த்தைக்கு உண்மையாக இருந்தது. அவனோ உன்னை ஏமாற்றிவிட்டு போய்விட்டான். இப்பொழுது அவனை மறப்பாய்! இன்னும் சிறிது காலத்தில் மறப்பாய் என நினைத்து பெற்றவர்களாக உனக்கு நிறைய நேரத்தை கொடுத்துவிட்டோம். அதுவும் உனக்கு மூன்று வருடம் கொடுத்துவிட்டோம்.

"மா" அவன் என்னை 'டைம் பாஸ் காதல்' செய்து இருக்கலாம். ஆனால் நான் அவனுக்கு உண்மையாக தானே இருந்தேன்? எதற்காக மா என்னுடைய காதலை அவன் அசிங்கப்படுத்திவிட்டு சென்றான்? அழுகையின் இடையே வார்த்தைகள் வர மறுத்தது அவளுக்கு.

தன்னுடைய மகளை அணைத்துக் கொண்டு 'நீ சந்தோசமாக இருக்க வேண்டும் அதற்காக தான் இந்த திருமண ஏற்பாடு டா'

மற்றவர் மனதின் நிலையை யார் அறிவார்?
© குந்தவை