#WritcoStoryChallenge
I blinked as I regained consciousness. I had hit my head hard, or had someone hit me? Then I realised I was holding a bloody knife in my hand.

Dear friends, I am going to narrate this story in hindi so translated above lines in hindi as well...


Jaise hi mujhe hosh aaya, maine palak jhapak kar stithi ka daura kiya.. mera sir dukh raha tha jaise mere sir pe kuch laga thaa ya kisi ne zor se maara tha..
Aur Hosh aate hi mujhe ehsaas hua ki mere haath me ek chaaku tha, jo ki khoon se lathpath tha...
maine darr mein aa kar vo chaaku phaink diya..

akhir yaha hua kya tha, aur yeh jagah kaunsi thi... ek khandar jaisa..
maine maddad ke liye bahut awaazein lagayi.. par vaha to koi insaan kya parinda bhi par nahi maar raha tha..

Main yaad karne ki koshish kar rahi thi ki aakhir main yaha pahunchi kaise... Par mujhe bas yahi yaad tha ki akhiri baar apne hosh mein main to college mein hi apni car mein enter hui thi.

Aaj mujhe college jaate poora hafta ho gaya tha.. mujhe yaad aa raha tha ki maine college ke gate ke andar ja rahi thi tabhi mujhe meri kuch seniors mili, jo hostel se department ki aur ja rahi thi... To unke kehne par main unko apni car mein bitha liya ..

Yeh college ka pehla hafta vaise kuch acha nahi gaya tha... College ke seniors ragging lena chahte the par main hostel mein nahi rehti thi to isliye vo meri ragging kar nhi paa rahe the aur department mein ragging lene ki ek baar unhone koshish ki to mere manna karne ki requests ko HoD ne sunn liya tha aur sabhi seniors ko suspend karne ki warning bhi di thi..

Us din to main bacch gayi thi par agle din se sabhi seniors mujhe apne dushman ki tarah dekhte the..

Par aaj vo kuch seniors mere saath bahut hi achaa bartaav kar rahi thi.. unhone mujhe juice bhi pilaaya... Aur uske baad mujhe...