മൂന്നാലുവട്ടം അവൾ തന്നോട് പ്രണയം പറഞ്ഞിട്ടും മറുപടി ഒന്നും പറഞ്ഞില്ല.
തനിക്കും അവളെ ഇഷ്ട്ടമാണ് എങ്കിലും പറഞ്ഞില്ല കാരണം മറ്റൊന്നുമല്ല വലിയവീട്ടിലെ കുട്ടിയാണവൾ പോരാത്തതിന് പഠിപ്പും സൗന്ദര്യവും വേണ്ടുവോളം ഉള്ളവൾ.. താനോ വെറുമൊരു സാധാരണക്കാരൻ.എന്തൊരു ക്‌ളീഷേ ആണല്ലേ.. പാവപ്പെട്ട നായകനെ പ്രണയിക്കുന്ന പാണക്കാരിയായ നായിക സിനിമകളിൽ പോലും കലഹരണപ്പെട്ടിരിക്കുന്നു പക്ഷെ സത്യം അതാണ് എങ്കിലും ഇനിയുമവളെ നിരാശപ്പെടുത്താൻ വയ്യ തനിക്കും അവളെ ഇഷ്ടമാണെന്ന് അറിയിക്കണം ഒപ്പം തന്റെ അവസ്ഥയും..
പിറ്റേ ദിവസം അവൾ വരുന്ന വഴിയിൽ കാത്തുനിന്നു. വന്നപ്പോൾ സാമാന്യം വലുപ്പമുള്ള ഒരു ബോക്സ്‌ അവൾക്കുനേരെ നീട്ടി അവൾ ആശ്ചര്യത്തോടെ അത് വാങ്ങി സന്തോഷത്തോടെയും ഒരൽപ്പം ആശങ്കയോടെയും അത് തുറന്നു.
അതിൽ ഒരു കുഞ്ഞു "മിഠായി" ഒപ്പം ഒരു കുറിപ്പും അതിൽ ഇങ്ങനെ എഴുതിയിരുന്നു
"ഇതെന്റെ പ്രണയമാണ് എന്റെ പരിമിതിയും"
നെഞ്ചിടിപ്പോടെ നിൽക്കുന്ന അവന്റെ മുഖത്തേക്ക് അവളൊന്ന് നോക്കി ശേഷം അവളാ മിഠായി പാതി കടിച്ചു പാതി അവന്റെ വായിൽ വെച്ചുകൊടുത്തു നടന്നു നീങ്ങി.
അവൻ നോക്കി നിൽക്കെ അവൾ തിരിഞ്ഞു നോക്കി അവനൊരു പുഞ്ചിരി സമ്മാനിച്ചു അതവളുടെ ഹൃദയത്തിൽ നിന്നുള്ളതായിരുന്നു...

ഷാഹിദ്..