തിമർത്തു പെയ്തിരുന്ന മഴ ഒരല്പം വിശ്രമിച്ചതോടെ, ധൃതി യിൽ നടക്കാൻ തുടങ്ങി.. നനഞ്ഞ മണ്ണിൽ നിന്നും ഇയ്യാം പാറ്റകൾ പൊങ്ങി പറക്കുന്നത് കാണാമായിരുന്നു... !
...ചാറ്റൽ മഴ നനഞ്ഞു ഇടവഴിയിലൂടെ നടക്കുമ്പോൾ ഓർത്തു... !തെച്ചിയും, തുളസിയും, മുക്കുറ്റിയും ഒക്കെ പടർന്നു നിന്നിരുന്നഈ ഇടവഴിയിൽ, "കെട്ടു പന്തു" തട്ടി കളിച്ചിരുന്ന പ്രായം... പമ്പരം കുത്തി കളിക്കുമ്പോൾ, എന്റെ പമ്പരം കുട്ടന്റെ കാലിൽ തറച്ചു .അന്ന് അവന്റെ അച്ഛൻ എന്നെ വഴക്കു പറഞ്ഞതും... കേശുവേട്ടന്റെ മാവിന് കല്ലെടുത്തെറിഞ്ഞപ്പോൾ, ആ കല്ല് "ശാരദേടത്തിയുടെ "നെറ്റിയിൽ കൊണ്ടതും..ഇന്നും ഓർമയിലുണ്ട്. ചോരകണ്ടു കേശുവേട്ടൻ തലകറങ്ങി വീണു... . ആളുകൾ ഓടിക്കൂടി "കമ്പോണ്ടറെ "വിളിച്ചതും, എല്ലാം മനസ്സിൽ തങ്ങി നില്ക്കുന്നു.... ആ മാവ് ഇന്നില്ല.. "കേശുവേട്ടന്റെ മരണത്തോടെ ആ മാവിനും അന്ത്യമായി".... ഒന്നും എനിക്കു വേണ്ടിയായിരുന്നില്ല.അന്ന് കുട്ടന്റെ "അമ്മ ചങ്ക് മുറിച്ചു ആത്മഹത്യക്" ശ്രമിച്ചത്, "ഹോ.. ഓർക്കാൻ കൂടി വയ്യ... ! "കോലോത്തു പണിക്കു പോയിരുന്ന ജാനകിയേടത്തിവൈകുന്നേരങ്ങളിൽ, പണികഴിഞ്ഞു വരുമ്പോൾ അവരുടെ സഞ്ചിയിലുള്ള "കുഴിയപ്പവും രുചിയുള്ള പലഹാരങ്ങളും " ഈ വഴിയിൽ വെച്ച് എത്രതവണ കഴിച്ചിട്ടുണ്ട്... !
"അരുകിഴാഴ അമ്പലത്തിലെ ഉത്സവത്തിന് പോയപ്പോൾ എണ്ണയിൽ തിളയ്ക്കുന്ന "ശർക്കര മിഠായി "കണ്ട് നാവിൽ കൊതിവന്നതിന്നും ഓർക്കാറുണ്ട്... വാങ്ങാനായി "മടിച്ചുരുളഴിച്ചപ്പോൾ" ഒന്നുമുണ്ടായിരുന്നില്ലകയ്യിൽ....എന്റെ മിഠായിയിലേക്കുള്ള നോട്ടം കണ്ട് ഭാസ്കരേട്ടൻ, വാങ്ങിയതിൽ നിന്നും...