...

6 views

துணிவும் அறிவும் அன்பும்
18/12/2022

மூன்று பதிவை ஒன்றாய்ப் பதிகிறேன்
காரணம்
ஒன்று இரண்டு மூன்று எனப் பிரிக்க முடியாதல்லவா
அன்பையும்.....அறிவையும்.... துணிவையும் .....
இம்மூன்றும் இணைந்தால் தானே ஒருமனிதனின் முயற்சி முழுமை பெறும்.....😊

துணிவு..... ( துணிவே துணை 🔥)

என் பேரன்பிற்கும் பெரும் மதிப்பிற்கும் உரிய
வேதியியல் ஆசிரியரே......

என் வேதியியல் ஆசிரியரே
என்னைக் கவிதையில்
பாராட்ட முடியவில்லை என்று வருந்தினீர்கள்....
ஒருவேளை நீங்கள் என் கவிதைக்கு கவிதை சொல்லி தட்டிக் கொடுத்திருந்தால் விட்டுக் கடந்து போயிருப்பேன் எளிதாக... ஆனால் நீங்கள் சொன்ன வார்த்தைகளோ
இலட்சியக் கனலை மூட்டும் வார்த்தைகள்....
கனவிலும் மறக்கவில்லை மறக்கவும் மாட்டேன்
ஏனெனில் என்னை அன்பாக அக்கறையாக கணிவாக கருணையாகப் பார்க்கும் பலரின் நடுவில்.... கணம் கணம்
கம்பீரமாகப் பார்த்தவர் நீங்களாயிற்றே🔥
பிறக்கவே தகுதியில்லாதவள் நான்
என்று ஒதுக்கும் உலகின் நடுவில்
எனக்குப் பறக்கத் தகுதியுண்டு
என்பவர் நீங்கள் ......
என் மீதான உங்கள் பார்வையின் உயரத்தை நான் இன்னும் எட்டவில்லை
ஒருவேளை அதற்குக் கால தாமதம் ஆகலாம்
ஆனால் கட்டாயம் வருவேன் ஒருநாள்
கடிதின் முயன்று என் கனவை செயலாக்கிவிட்டு
உங்களைக் காண.....
அன்று உங்களோடு நான்
நிச்சயம் நிழற்படம் எடுத்துக் கொள்வேன்.....
ஏனெனில் உங்கள் சொல்லின் உயரத்தை எட்டிய பிறகு தான் உங்களின் அருகில்
நிற்கும் தகுதியே எனக்கு உண்டு என எண்ணுகிறேன் நான்.....🙂
சொல்லாமல் செய்ய வேண்டும்
அதுதான் செயலுக்கு அழகு என்பது
ஆன்றோர் மொழி ஆனாலும்
நீங்கள் என்னைப் பார்த்த துளியும் ஐயமில்லாத்
துணிவான தூய்மைப் பார்வை
என்னை எழுத வைத்து விட்டது.....🙏🏾☺️
💫💫💫💫💫💫💫💫💫💫💫💫💫💫💫💫💫💫💫

அறிவு ( அறிவே ஆதாரம் 🔥💯)

தமிழே! உறவே! உயிரே!....... வணக்கம்....🙏🏾😍🥰

இத்தனை வருடங்களாக
எங்கள் ஆசிரியர் என்ற
அதிக உரிமை இருந்தாலும்
அன்பின் மரியாதை நிமித்தம்
என் நான் நீங்கள் உங்கள் என
சற்று பிரிந்தே நிற்பேன்
ஆனால் இனிமேல் நாம் நமது நாங்கள் என
சேர்ந்தே இருப்பேன் உங்களோடு
நினைவுகளாலும் நம்மை
மாணவ‌ ஆசிரியர்
என்ற உறவின்
உரிமையைத் தாண்டியும்
இன்னும் மேலதிகமாய்
இணைத்த தமிழாலும்
தாய்.... பிள்ளை உறவாக...
ஏற்கச் சம்மதமா....
என்று உங்களைக்
கேட்க மாட்டேன்
உங்களின் அன்பில்
ஒரு பாதி எனக்கும் தான்
என்ற உரிமையில்
எடுத்துக் கொள்கிறேன்
என் அன்பு ஆசிரியரே.....

நீங்கள் கொடுத்த அறிவும் அனுபவமும்
நிச்சயம் என்றொரு தன்னம்பிக்கையை
என்னுள் விதைத்தது...💯🙏🏾

💫💫💫💫💫💫💫💫💫💫💫💫💫💫💫💫

அன்பு ( அன்பே அனைத்தும் 😍🤗🖤)

Always you are Welcome pa ( Appa...☺️🙏🏾)

பயிற்சி முடிந்த பின்னரும்
முடியாது நான் தான்
வருவேன் பள்ளிக்கு....
என அடம்பிடித்துப் போனேன்
அகமும் முகமும்
மலர்ந்து ஏற்றது என் பள்ளி.....
எப்போதும் ஏற்கும்💯♥️
என்றாலும் எந்நேரமும்
போய்விட முடியாதல்லவா...
காரண காரியமின்றி!
இதெல்லாம் ஒருபுறம் இருந்தாலும்
இந்நாள் பள்ளியின் பிரிவில் வாடினாலும்
"Always you are welcome pa" என்ற
எந்நாளுக்குமான உங்களின்
பிரியத்தில் உயிர்த்தேன்......

✨முத்துரம்யா _- தமிழ்நிழல் ✍🏾

#அகரம்_தொடங்கி_அகிலம்_வரை
#தமிழ்நிழல் #தமிழ்க்கவிதைகள்
#mythoughts
தமிழ் நிழல்