"ദിവസങ്ങളൊക്കെ എത്ര വേഗമാണല്ലേ പോയത്..., അല്ലേടാ മോനെ..... ", "ഓ...., ഇത്രയും ദിവസം ഞാൻ അനുഭവിച്ച ഒരു ബോറടി......, ഇനി ഒന്ന് അടിച്ചു പൊളിക്കണം.... ", അപ്പച്ചന്റേയും ജോണിന്റെയും സംസാരത്തിനിടയിൽ അമ്മച്ചിയും അങ്ങോട്ടേക്ക് വന്നു, "അടിച്ചു പൊളിയൊക്കെ കുറച്ചു ദിവസം കൂടി കഴിഞ്ഞിട്ട് മതി, ഇന്ന് ഏതായാലും നീ എവിടേയും പോകുന്നില്ല..... ", "ആഹാ...., അത് മനസ്സിലിരിക്കട്ടെ...., എനിക്ക് പോണം ജോലിക്ക്..... ", അവൻ ബാഗ് എടുത്ത് ബൈക്കിനടുത്തേക്ക് പോയി..., "മോനെ നീ ബൈക്ക് എടുക്കണ്ട, കാലിന് വയ്യാത്തത് അല്ലേ, നിന്നെ അപ്പച്ചൻ കൊണ്ട് വിടും കാറിൽ.... ", അവൻ അത് ശ്രദ്ധിക്കാതെ ബൈക്ക് എടുത്ത് സ്റ്റുഡിയോയിലേക്ക് പോയി.
"അപ്പൊ പറഞ്ഞത് പോലെ എന്റെ പെങ്ങടെ കല്യാണം ആണ്, തലേ ദിവസം തന്നെ അവിടെ എത്തണം, പിന്നെ അപ്പച്ചനും അമ്മച്ചിയേയും ഞാൻ കുറച്ച് സമയം മുൻപേ വിളിച്ചു പറഞ്ഞിട്ടുണ്ട്..., പിന്നെ വേറെ ഒരാളെ കൂടി ക്ഷണിക്കാൻ ഉണ്ട്........ ", "ആ മനസ്സിലായി..., നിന്നെ തേച്ചിട്ട് പോയവളെ ആയിരിക്കും, വിളിക്കാതെ ഇരിക്കുന്നതെങ്ങനെയാ നിന്റെ പെങ്ങടെ കൂടെ പഠിച്ചതല്ലേ ........... ", ജോൺ ചിരിച്ചു കൊണ്ട് പറഞ്ഞു, അത് കേട്ടപ്പോൾ ടോണിക്ക് നല്ല ദേഷ്യം വന്നു, "ഇതൊരു റസ്റ്റോറന്റ് ആയത് കൊണ്ടും ഇവിടെ ഒരുപാട് ആൾക്കാർ ഇരിക്കുന്നത് കൊണ്ടും ഞാൻ ഇപ്പൊ ഒന്നും പറയുന്നില്ല...., ", "പിന്നെ അല്ലെങ്കിൽ നീയെന്നെ കൊല്ലുമായിരുന്നു...., ഒന്ന് പോടാ..... ", "മച്ചാന് വേറെ എന്തെങ്കിലും ഒക്കെ പറഞ്ഞാൽ പോരെ..., ആ സാധനത്തിനെ പറ്റി എന്തിനാ പറഞ്ഞേ...., നാശം..... ", "ഓ...., മൈ ഡിയർ സോറി, നിനക്ക് പിന്നെ ആരെയാ കല്യാണം വിളിക്കേണ്ടത് മോനെ........ " , "മച്ചാന്റെ ഡിയറെ...... " , "അത് ആര്....., എന്റെ ഡിയർ....? " , ടോണി ഒന്ന് ചിരിച്ചു, "ടീച്ചറുടെ കാര്യമാ...., ഞാൻ പറഞ്ഞേ....., മീര...... ", "അവൾ എപ്പോഴാ എന്റെ ഡിയർ ആയത്......", "എന്തിനാ ഇങ്ങനെയൊക്കെ അങ്ങ് തുറന്നു സമ്മതിച്ചൂടെ......, രണ്ട് പേരും പെർഫെക്ട് മാച്ച്..... " , "നീ ആദ്യം ചില്ലി ചിക്കൻ ഓർഡർ ചെയ്യ്...., അവന്റെ ഒരു പെർഫെക്ട് മാച്ച്....... ".
© ANJU