Ik waqt tha jab tum or mai ik sath din ka adha hissa ik dusre k sath guzarte the .Mai har 2 din baad tumse milne aati thi or pta hai jab tum mere sath hote the to mujhe lagta tha ....mano meri duniya sirf tum ho. Jab mai tumhe dekhti thi to mere chehre per ik muskurahat hoti thi ,is muskurahat ko dekhne ka haq sirf tumhara tha .Sab kuch theek tha.... per dil mai ik alag hi dar rehta tha tumko khone ka dar ..pta nhi kyu mai jab bhi tumse milti to har baar na jaane kyu dil mai ye khayal aata k mai shyd tumse aakhri baar to nahi mil rahi hu .Har baar yahi lagta tha or meri aankho mai paani aa jata tha phir tum mujhe gale laga kar bolte the "chal pagal kuch bhi sochti hai ..kuch nhi badlega mere or tumhare beech" .per dil mai wo dar kabhi kam nhi hua . phir wahi waqt meri zindagi mai aaya jiska mje dar tha .Mene suna hai sab kehte hai k insan ko apni khushiyan bardasht nahi hoti wo khud ghum ko dawat deta hai.mere sath bhi yahi hua wo waqt meri zindagi mai bhi aaya..tumhara transfer hua aur tum muhjse door chale gye aur tumhare paas mere liye time nhi hota tha phir wo waqt mahino se saal mai badal gya or mai tumhara intizaar karti rhi .2 saal baad jb tum apne ghr aaye tb tumne mujse baat ki ...aur kaha sabr kro dheere dheere sb theek ho jayega per mai janti thi ab kuch bhi theek nhi hoga,sb kuch wese ka wese hi rhega ...haan sbr krte krte mai aadi ho jaogi is mahol ki in halat ki. phir mje kuch bhi bura nhi lgega or phir tum aa ker kahoge "dekha sab kuch theek ho gya na ".