കാലങ്ങളായി തിരിഞ്ഞു നോക്കാത്ത വീട്ടിൽ ഒരിടയ്ക്ക് കയറിച്ചെന്നപ്പോൾ കണ്ടത് - പല്ലിയും ചിലന്തിയും ഒരിടത്ത് മുട്ടയിട്ട് അടുത്തടുത്ത് ജീവിക്കുന്നു. അവയുടെ തൊട്ടടുത്തുകൂടെ ഉറുമ്പുകളും വരി വരിയായി പോകുന്നു. പുറത്ത് എലിയുടെ കീറ്റലും പൂച്ചയുടെ മടുപ്പുള്ള കരച്ചിലും കേൾക്കാം. അപ്പൊൾ ഇവയൊക്കെ തമ്മിൽ തല്ലി ജീവിക്കാൻ പഠിച്ചത് ഞങ്ങളെയൊക്കെ കണ്ടിട്ടാണെന്ന് കരുതി. അവരുടെ ഒത്തൊരുമ പോലും അതേ വീട്ടിലെ ആൾക്കാർക്കിടയിൽ കാണാൻ കഴിയാത്തതുകൊണ്ട് മാത്രം അവിടം ഉപേക്ഷിച്ചിറങ്ങിയ എന്നെ ആ 'ആജന്മ ശത്രുക്കൾ' കളിയാക്കി ചിരിക്കുന്നതുപോലെ തോന്നി... അതോ... ശത്രുതയിൽ മടുപ്പ് തോന്നി പരസ്പരം മിണ്ടാതെ ജീവിക്കുന്നതാണോ? ആവോ... | Quote by Anugraha Sasidharan