jindgi ki uljhano me fans rahi hoon
thoda khud ko saamne rakh rahi hoon
yu to uljhano ko dil me sama kar rakha tha
wo ab labon par aa rahe hai
kahne ko to sab saath hai
magar sab pinjre me kaid karne ko taiyar hai
lekin mai akele rahne ko taiyar hoon.
khud ko is pinjre se aajad karne ko taiyar hoon
main aajad ho rahi hoon.
dukhi hoon safar me koi saath nahi
magar khush hoon koi kaid karne ko nahi
mai aajad ho rahi hoon khud se
aur un rudhiwadi soch se
ki jindgi akele nahi kaati ja sakti
kyuki mai aajad ho rahi hoon
samne hazaaron muskilein dikh rahi
magar saath me meri aajadi muskura rahi
mujhe himmat de rahi
badhti raho manjil paas hai
mai aajad ho rahi
laakh rukaawaton ke bawjood mai khud ko
wapas khada kar rahi
mai aajad ho rahi
aajadi me sayad wo takat hai
jo tumhe akele rahne ko bhi taiyar kar de
sayad tumhe udne ke pankh de de
us khule aasman me
jaha ji bhar ke jee sako apni jindgi
kyunki mai aajad ho rahi
un buri yaadon se
jo mujhe aage bhadne se rokte the
mai aajad ho rahi hoon