स्वप्नांच्या पलीकडले जग असतं खरं,
अपेक्षांच्या ओझ्याखाली जगणं नसतं बरं...

नाही होत नेहमीच.. पहिल्याच भेटीत प्रेम,
अनं झालंच तर नसतो.. जन्मभर टिकायचा नेम...

मग जोडावं ते नातं आवडलेलं स्वयं.. वराचं वा वधुचं,
जेव्हा आपलं कुणी सांगतं निवडायला.. नातं साता जन्माचं...

स्वप्नवत अपेक्षांत असते एक परी..
खऱ्याखुऱ्या आयुष्यात असते नवऱ्याला बायकोच बरी...

स्वप्नांत असतो एक राजकुमार..
वा नसतोच तो कसा असावा.. हा विचार...

असावी ती व्यक्ती थोडी मनस्वी.. पण सांभाळून घेणारी,
तेव्हाच भेटतो.. मनासारखा एक जोडीदार...

स्वप्नांच्या पलीकडले असतं एक खंबीर मन..
तारुण्यालाही लाजवती.. म्हातारपणी कित्येक जण...

कल्पनांच्या पलीकडलेही असतं जग सुंदर..
मग करूया चांगलाच विचार.. अनं होतील स्वप्नही साकार...

© Prasad Thale
---
#digital
#poetry
#poem
#marathi
#marathikavita
#marathipoems
#inspirational
#writco
#writcoapp