ದಿನಕರ ಎದ್ದು ಬೆಳಕು ಹರಿಸುವ
ಮುಂಚೆಯೇ ಎದ್ದು ಮನೆ ಮುಂದೆ
ರಂಗವಲ್ಲಿ ಚಿತ್ತಾರ ಮೂಡಿಸಿರುವೆ..
ಅವ ಬಾನಲ್ಲಿ ತುಸು ಆಕಳಿಸಿ ರಂಗು
ಚೆಲ್ಲುತ ಭುವಿಯೊಲಿಸಲು ಕಸರತ್ತು
ಮಾಡುತಿರುವಾಗಲೇ
ಒಲೆ ಹಚ್ಚಿ ಟೀ ಕಾಯಿಸಿ ಕೊಟ್ಟಿರುತ್ತೇನೆ
ಮನೆ ಮಂದಿಗೆ..
ಭುವಿಯ ಕೊಸರಾಟದಲ್ಲಿ ಹುಸಿ ಮುನಿಸುಗೊಂಡು ಹೆಚ್ಚೇ ತಾಪಗೊಂಡು
ಬೆದರಿಸಲವ ಸಜ್ಜಾಗಿ ನಿಂತ ಹೊತ್ತಿನಲ್ಲಿ
ನಾನೂ ಬೇಯುತ್ತಿರುತ್ತೇನೆ ದೋಸೆ ಕಾವಲಿಯ ಹಬೆಯಲ್ಲಿ...
ಕೈಗೆ ಸಿಗದ ಪ್ರೇಮವ ದೂರದಿಂದ ನೋಡಿ
ಶಪಿಸುತ್ತಾ ಅವ ಸಿಟ್ಟಾಗಿ ನಿಂತ ಘಳಿಗೆಯಲಿ...