Bandish vo bedi hai,jo aksar insaan ko jhakjhorti hai !
Hatho ko majboor, aankho ko bebas krti hai
Dimag mai koutuhal, kadmo ko ladakhadati hai,
Bandish vo bedi hai jo aksar insaan ko jhakjhorti hai!

Kalam ki syahi ko sukhati hai vo kahaniyaan ,Jo bandish likha karti hai,
Samaj ko kadwa banaati hai vo kuritiyaan ,jo bandish buna karti hai,
Bandish vo bedi hai jo aksar insaan ko jhakjhorti hai !

Zindagiyaan kurbaan hoti h us bandish ki buniyaad mai,
Jo jakadati hai khokali baadhyataein se,
Baadhyataein jo bhavishya ko sankuchit karti hai!
Bandish vo bedi hai jo aksar insaan ko jhakjhorti hai!

Lafazo se lekar libaas tak, purani manyataon se lekar nayi pedhi tak!
Koi achuta nahi hai is mansik dharanaon se!
Ye bandishe vo bedi h jo aksar insaan ko jhakjhorti hai!

© Arya