மூன்றெழுத்தில் தமிழ் மொழியின் மூச்சிருக்கும்!

arrow_back

Poem

2 views

Shankar M

24 November 2022

+ Follow

அன்பு என்ற மூன்றெழுத்தில்
      பாசம் என்ற மூச்சிருக்கும்
ஆசான் என்ற மூன்றெழுத்தில்
   கல்வி என்ற மூச்சிருக்கும்
இனிமை என்ற மூன்றெழுத்தில்
நன்மை என்ற மூச்சிருக்கும்
ஈசன் என்ற மூன்றெழுத்தில்
பக்தி என்ற மூச்சிருக்கும்
உண்மை என்ற மூன்றெழுத்தில்
   நேர்மை என்ற மூச்சிருக்கும்
ஊடல் என்ற மூன்றெழுத்தில்
காதல் என்ற மூச்சிருக்கும்
எளிமை என்ற மூன்றெழுத்தில்
   அமைதி என்ற மூச்சிருக்கும்
ஏழ்மை என்ற மூன்றெழுத்தில்
   வறுமை என்ற மூச்சிருக்கும்
ஐயம் என்ற மூன்றெழுத்தில்
தோல்வி என்ற மூச்சிருக்கும்
ஒருமை என்ற மூன்றெழுத்தில்
   தனிமை என்ற மூச்சிருக்கும்
ஓங்கு என்ற மூன்றெழுத்தில்
   வெற்றி என்ற மூச்சிருக்கும்
ஔகம் என்ற மூன்றெழுத்தில்
பாடல் என்ற மூச்சிருக்கும்
அஃதே மூன்றெழுத்தில் நம்
   தமிழ் என்ற மூச்சிருக்கும்

மா.ஷங்கர்.

Poetry