Mere liye bas itna kafi hai, ki mai akela chal raha hu
Beshaq aj khamosh hu, lekin is khamoshi ko bohot gehrayi se samajh raha hu

Mujhe koi itni si Ittala kerdo ke sara mamla theek hai.
Manta hu ye daan dene ka dikhawa hai
Haqiqat mai to ye bheek hai.

Mujhe lagta hai mai kahi per kafi Jazbati ho raha hu
Aisa kyu lagta hai mai khud ko kho raha hu

Ab lehaaz kerna bhi bewakoofi Sabit hoti dikh rahi hai
Asli khabar ka koi mol nahi, or jhooti Khabre bakhoob bik rahi hai.

Ager mai isi trah ruka raha to ek arsa beet jayga
Itna muqaddas waqt ret ki trah hath se fisal jayga

Kya behter hoga mai khud ka talluq, khud se hi krana shuru ker du
Suna hai kl koi kehra raha tha mai jaldi hi mashoor ho raha hu

© ALBAB QUDDUSI POET