ಪ್ರತಿ ತೊದಲು ನುಡಿಯಲಿ
ಕನ್ನಡ ಪದ ಗೋಂಚಿಲು ಬೆಳೆಯಲಿ
ಅಮ್ಮ ಎನ್ನುವ ಪ್ರತಿ ಕಂದನಲಿ
ಕನ್ನಡಾಂಬೆಯು ಹರಸಲಿ

ಕನ್ನಡವೆಂದರೇನೆಂದು ತೋರಿದ ಕವಿಗಳಿಗೊಂದು ನಮನ
ತಿದ್ದಿ ತೀಡಿ ಓದಲು ಕಲಿಸಿದ ಗುರುವಿಗೊಂದು ನಮನ
ಪ್ರತಿ ಉಸಿರ ಹರಿವ ಮನಕೆ ಕನ್ನಡ ಡಿಂಡಿಮ ನರ್ತನ
ನಾಡಿನ ಮಣ್ಣು ಹಾಸಿ ಕಾದಿದೆ ಇಡಲು ಕನ್ನಡಾಂಬೆಯ ಹೆಜ್ಜೆಯನ

ಪ್ರತಿ ವ್ಯಕ್ತಿಯು ಕನ್ನಡಿಗನೆಂದು ಬೀಗುತಿರಲು
ಹಲವು ಅರಸ ಮನೆತನಗಳ ತವರಿರಲು
ನಾಡ ನುಡಿಯ ಸಂಸ್ಕೃತಿಯ ಬೆಳಕಿನ ಹೊನಲು
ಉಸಿರಿರುವರೆಗೂ ಕನ್ನಡವೇ ನಮ್ಮ ಆದ್ಯತೆಯಲು