ਬਸ ਇਕ ਟੁੱਟਿਆ ਐ ਯਕੀਨ ਦਾ ਧਾਗਾ,
ਉਂਝ ਧਾਗੇ ਮੌਲੀਆਂ ਮੈਂ ਕੁਝ ਨਹੀਂ ਬੰਨਦਾ।
ਕਹਿੰਦੇ ਬਹੁਤੀ ਦੇਰ ਨਾ ਨਿਭਦੇ ਰਿਸ਼ਤੇ ,
ਬੰਦਾ ਹੋਵੇ ਜਿੱਥੇ ਕੱਚਾ ਕੰਨ ਦਾ।
ਜਦੇ ਮਹਿਰਮ ਜੀ ਰੁੱਸ ਜਾਂਦੇ ਸੀ,
ਗਲੋਂ ਲੰਘਦਾ ਨਹੀਂ ਸੀ ਸਾਡੇ ਦਾਣਾ ਅੰਨ ਦਾ।
ਸੱਜਣ ਕਿਹਾ ਬਣਾ ਸਾਡੀ ਸੂਰਤ,
ਅਸਾਂ ਟੁੱਕੜਾ ਬਣਾਇਆ ਅੱਧੇ ਚੰਨ ਦਾ।
ਪਰ ਹੰਕਾਰ ਹੋ ਗਿਆ ਸੀ ਸਾਨੂੰ ਬਹੁਤਾ ਓਹਦਾ,
ਤੇ ਐਸਾ ਗਰੂਰ ਤਾਂ ਰੱਬ ਸਦਾ ਹੀ ਭੰਨ ਦਾ।
ਪਰ ਯਾਰ ਮੇਰੇ ਦੇ ਤਾਂ ਯਾਰ ਬੜੇ ਨੇ,
ਤਾਹੀਂ ਹੁਣ ਮੈਂ ਉਹਨੂੰ ਯਾਰ ਨਹੀਂ ਮੰਨਦਾ ।
R. Kaur Ramgarhia
© R.kaur Ramgarhia