-ਰਿਸ਼ਤੇ-
ਕੁਝ ਰਿਸ਼ਤਿਆਂ ਦੇ ਨਾਮ ਨਹੀਂ ਹੁੰਦੇ,
ਪਰ ਓਹ੍ਹ ਰਿਸ਼ਤੇ ਆਮ ਨਹੀਂ ਹੁੰਦੇ,

ਵਿਸ਼ਵਾਸ ਤੇ ਟਿਕਦੇ ਸਾਰੇ ਰਿਸ਼ਤੇ
ਰਿਸ਼ਤਿਆਂ ਵਿੱਚ ਇਲਜ਼ਾਮ ਨਹੀਂ ਹੁੰਦੇ,

ਸੂਝ ਸਿਆਣਪ ਰੱਖਣੀ ਪੈਂਦੀ
ਰਿਸ਼ਤਿਆਂ ਵਿੱਚ ਅਨਜਾਣ ਨਹੀਂ ਹੁੰਦੇ

ਰਿਸ਼ਤਿਆਂ ਦੀ ਸਮਝਣ ਪਰਿਭਾਸ਼ਾ
ਉਹ ਕਦੇ ਵੀ ਨਮਕ ਹਰਾਮ ਨਹੀਂ ਹੁੰਦੇ,

ਝੁਕਣਾ ਝੁਕਾਉਣਾ ਛੱਡਣਾ ਪੈਂਦਾ
ਰਿਸ਼ਤਿਆਂ ਵਿੱਚ ਫਰਮਾਨ ਨੀਂ ਹੁੰਦੇ

'ਜੋਸਨ' ਰੂਹ ਤੱਕ ਨਿਭਦੇ ਰਿਸ਼ਤੇ,
ਜੋ ਰਿਸ਼ਤੇ ਬਦਨਾਮ ਨਹੀਂ ਹੁੰਦੇ,

-ਮਿਹਰਬਾਨ ਸਿੰਘ ਜੋਸਨ-
© Meharban Singh Josan