8 views
ಬೆಳದಿಂಗಳ ಬಾಲೆ
ಹಾಲು ಬೆಳದಿಂಗಳ ಮೈಕಾಂತಿಯ ಸೌಂದರ್ಯವತಿ
ತಾವರೆ ಎಸಳಿನ ನಯನಗಳ ಒಡತಿ
ಮೈ ಮಾಟದಲ್ಲಿ ರಂಭೆಯನೇ ನಾಚಿಸುವ ರತಿ
ನಿನ್ನ ಕಾಣಲು ಮಿಡಿಯುವುದು ಹೃದಯದ ತಂತಿ
ಬೆಳದಿಂಗಳ ಕಾಂತಿಯಲ್ಲಿ ಸುಡುತಿದೆ ತನು ಮನ
ಗೆಜ್ಜೆಯ ಸಪ್ಪಳಕ್ಕೆ ಮನದಲಿ ಏನೋ ತಲ್ಲಣ
ನಿನ್ನೆದೆ ಗೂಡಲ್ಲಿ ಜಾಗ ಬೇಕಾಗಿದೆ ತುಸು
ನಿನ್ನೆ ನೋಡುತ ಕಳೆಯುವ ಮನ ಕೆಲ ತಾಸು
ಓಲಾಡುವ ಝಂಮಕಿಯ ಅದೃಷ್ಟ ನನ್ನದಾಗಬೇಕಿದೆ
ನಿನ್ನ ಕೆನ್ನೆಯ ಸವರುವ ತವಕ ಮನದ್ದಾಗಿದೆ
ಬೆಳದಿಂಗಳ ನನ್ನ ಚೆಲುವೆ ಕಣ್ಣು ಕುಕ್ಕುತಾಳೆ
ಪ್ರೇಮ ಪಾಶವ ಬೀಸಿ ಸೆಳೆದಿದೆ ಆ ಕೈ ಬಳೆ
ಕೆಂಪು ಜರತಾರಿ ಸೀರೆಯಲಿ ಮೈ ಬಣ್ಣದ ಮೆರುಗು
ಹೊಂಬಣ್ಣದ ಅಚ್ಚರಿ ಮೂಡಿಸುವ ಬೆಡಗು
ಸೆರೆಯಾಳು ಮಾಡುವಾಸೆ ನಿನ್ನ ನನ್ನ ತೋಳಿನಲಿ
ಸಾಟಿಯಾರಿಲ್ಲ ಓ ಬೆಳದಿಂಗಳ ಚೆಲುವೆ ನಿನಗೆ ಚೆಲುವಿನಲಿ
✍🏻ಸೌಮ್ಯ ಜಯರಾಮ್
Related Stories
