ममत्व आणि जनत्व
जाणणारा तो............जाणता !
प्रजा हित जोपासणारा
तो..................राजा !
आणि या सर्व गोष्टी
उराशी बांधून कार्य करणारा
तो.................जाणता राजा !!

राजे तुम्हाला समजून घेणं
आम्हाला कधी जमलंच नाही
म्हणून "समजून" सांगणंच
आम्ही पसंत केलं...

तुमच्या जयंती-पुण्यतिथीत
आम्ही तल्लीन होऊन जातो
तुमच्या कार्याचा मात्र विसर पडतो...

राजे तुमच्या नावाचा जयघोष
आम्ही कुठेही कधीही
इतका ओरडून करतोय
की...शिवा-जी हा आदरयुक्त शब्द आहे
हेच विसरून गेलोय...

तुम्ही नाही केला कधी
भीमा, तुका, रामा आणि गफ्फार मध्ये भेद
इथं मात्र फुटाफूटावर
सापडतील...