Suna pada hai yeh pura jahan,
Mano jese thaam sa gaya ho yeh lamha,
Najane kyu khamoshi si chayi hai haar jagah,
Tutata nazar a raha hai har sapna,
Asman ki chadar odhe, mano jese so raha ho yeh samah.

Dekh rahi thi me ek shaam,
Dhalte suraj ko aur soch rahi thi ki,
Kyu nazar nahi a raha ek bhi avaam,
Tadap rahi thi unhe kehne ko ki agar aaj suraj nahi duba toh,
Kese roshan hogi kaal ki khubsurat subah.

Socha ek paygam bhijvadu kisi ke saath,
Daar ki zanjeeron se bandhe nahi ho jinke haath,
Magar koi dikhai nahi de raha tha, aur jald hi hone ko thi gehri raat,
Usi waqt do pankh farfara rahe the,
Mano jese duniya ko azaad hone ko keh rahe the.

Vishwas nahi kaar payi me us nazariye peh,
Ke kese ek khamosh...... Khamoshi duur kaar sakta hai,
Bezuban kuch keh bhi sakta hai,
Us shaam woh pankh muje sikha gaye ki samajne ko yahi samay sahi hai,
Aag suraj ki roshni se nahi mere andaar hi paal rahi hai.

Kehna cahati hu me aab tumhe k mujhe chidyon sa checahana hai,
Aasman me lehrana hai,
Badalon me jhankna hai,
Andheri raat ko roshan karna hai.
Aur suraj se kahna hai ki waqt a gaya h aab, puri duniya ko jagana hai.