ಅಹಮಹಮಿಕೆಗೆ ತಮಂಗವಾಗುತಿದೆ ಬದುಕು
ಮೆರೆದಾಡಿ ಮಣ್ಣಲ್ಲಿ ಮರೆಯಾಗುತಿದೆ ಬದುಕು

ಜಂಜಾಟದಲ್ಲಿ ಮುಗಿಯುತ್ತಿದೆ ಜೀವನದ ಗಡು
ಕಿಂಕೃತಿಯಲ್ಲಿ ಕೃಶವಾಗುತ ಸಾಗುತಿದೆ ಬದುಕು

ದ್ವಿಷತೆಯ ಪಡಿಕೆಯು ಹೊರಸೂಸುತ್ತಿದೆ ಗದಡು
ಕೆಡುಕು ಬಯಸುತಲಿ ಕೊನೆಯಾಗುತಿದೆ ಬದುಕು

ಹಸಿದವನ ಬಟ್ಟಲೊಳಗೆ ಮೆದ್ದವನ ಹದ್ದಿನ ಕಣ್ಣು
ಹರಕೆ ಹುಸಿಯಾಗಿರಲು ನರಕವಾಗುತಿದೆ ಬದುಕು

ಗುರಿಯಿಲ್ಲದೆ ನಡೆದಾಡಿ ಕ್ಷೀಣಿಸಿರುವನು ವಿಜಯ
ಅಂಡಲೆದು ಅಂದಗೆಟ್ಟು ಜರಡಾಗುತಿದೆ ಬದುಕು
•••••••••••••••••••••••••••••
ಅಹಮಹಮಿಕೆ: ಅಹಂಕಾರ
ತಮಂಗ: ವೇದಿಕೆ
ಕಿಂಕೃತಿ: ಚಿಂತೆ
ದ್ವಿಷತೆ: ಹಗೆತನ
ಪಡಿಕೆ: ಹೊಲಸು
ಗದಡು: ಕಮಟು ವಾಸನೆ
ಅಂಡಲೆ: ಕಷ್ಟಕ್ಕೆ ಒಳಗಾಗು, ಅಲೆದಾಡು
ಜರಡು: ಜೊಳ್ಳು, ಕೃಶ
•••••••••••••••••••••••••••••
© ವಿಜಯ್ 💫