Dard badhtey badhtey ek din gine jab,
do se chaar aur kai guna kaafi hue..
Fir samaz aaya, inke badhne ki wajah,
mere haathon har sulah ke baad, gunaah kaafi hue...

Neend ko dhoka dekar, raatein jaagi gai kai saari,
Is qadar, har Sapne se, ummedo ke bojh kaafi hue..
Waqt badhte badhte, badhti gayi saath jaruratein,
jab hum samaz baithe, ab ye har roz kaafi hue...

Kuch guazarti Siskiyo sang, Yaadon ka karobaar bahot hua,
Aur dil ruk gaya jab, iss-sey, Anjaane me vyapaar kaafi hue..
Meri Maut pe hasne wale dushman, Chup ho gaye,
jab mere Janaze me, Rone wale mere yaar kaafi hue....

Phir aakar rok diya, Soch ka kaarwa, kalam rakhkar,
Ye sochkar, ki Ab Daffatan khayal kaafi hue...
In ranjisho se, Tanhaiyo se, Humdumi se Aur Apne aap se,
aaj ki dafa, ye saare Sawaal kaafi hue...

Bhushan _ Asaf
© Bhushan _ Asaf