നീലമിഴികൾ നിദ്രയിലലിയും
അവനൊരു കനവായ് എന്നിലുണരും
മേഘച്ചിറകിൽ മോഹപ്പൂക്കൾ
പ്രണയാതുരരായ് വാനിലലയും

നീ തന്നൊരാ ആശകൾ
ചിറകുവെച്ചുവെന്നിൽ
ഞാനറിയാതെ അലയുന്നിതാ
നിന്റെ ഓർമ്മയാലേ
നീ ഒരു രാഗം പോലെ എന്നിൽ
വന്നെൻ കരളിൽ തൊട്ടില്ലേ..

അനുരാഗമേ.

നിലാവ് പെയ്യും താഴ്‌വര നീളെ
നീ എന്നിൽ പൂത്തു നിന്നില്ലേ
നിന്നിലെ ഗന്ധം എന്നിൽ പെയ്തു നീ
രാമഴയായി വന്നില്ലേ..

ഇന്നെൻ വാടിയിൽ പൂന്തേൻ മലരുപോൽ
നിന്റെ ഓർമ്മകൾ അഴകായ് വിരിയെ

എന്റെ നെഞ്ചിലെ കനവായ് കൂടെ നീ
എന്നിലെന്നുമേ നിനവേ നിറവേ

കരളിൽ കുളിരായ് നീയില്ലേ എന്നാളും..

അനുരാഗമേ.

💕💕💕💕💕💕💕💕💕💕💕💕💕


© 🌟ബെൻസി നക്ഷത്ര 🌟