கடன் வாங்கியேனும்
கம்பி வேலி இடுகிறான்
விவசாயி
காட்டு வேலைக்கு ஆள் கிடைக்காததாலும்
அப்படியே ஆள் கிடைத்தாலும்
சம்பளம் ரூபாய் ஆயிரம்
கேட்பதாலும்

தனி ஆளாக
சரியான பருவத்தில் முள் வெட்டி
முந்தைய பருவத்தில் ஆடு முட்டிய
கடவை ( சந்தை) எல்லாம்
சரிசெய்யத் திராணியில்லாத
கையாலாகாத் தனத்தைச் சரிக்கட்டவும்

முக்கியமாக
இடைவேலிக்காரர் பிரச்சனை இல்லை என்ற நிம்மதிக்காகவாவது
இம்முறை கம்பி வேலி போட்டு விட வேண்டும் என்று சொல்லி

சரி கால மாற்றத்துக்கு ஏற்ப
நாமும் மாறிக் கொள்ள வேண்டியதுதான்...