*பெண் என்னும் தேவதை*

பிறப்பு முதல் இறப்பு வரை
யாமிருக்கும் காலம் யாவும்
பெண்ணின்றி இயங்காதே..
உலகெனக்கு சுழலாதே..

நான் கொண்ட காதல் அதை
ஏற்றிடவும் பெண் வேண்டும்..
என் காதல் மறுத்தென்னை
ஒதிக்கிடவும் பெண் வேண்டு்ம்..

தாயென்றும்
தமக்கையென்றும்..
தாரமென்றும்
தோழியென்றும்..
என் வாழ்வில்
இருக்கின்றாள்..
மகளென்ற மகத்துவமாய்
கரம் அணைக்க பிறக்கின்றாள்.

முயன்று நானும் தோற்றிடவே
தேற்றிடவும் அவள் வருவாள்..
மறுமுயற்சி எடுத்து நானும்
வென்றிடவும் உதவிடுவாள்..

பிறந்திருந்து இறக்கும் வரை
வழியெங்கும் பெண்ணிருப்பாள்..
நீ காணும் யாவிலுமே
அவளும்தான் வீற்றிருப்பாள்..

இரயில் பயண
சிறுதூரத்தில்
எதிரில் இருப்பாள்
சிலமணிநேர காதலி..

நான் ரசிப்பதை
அறிந்தும் அறியாத
பாவனையில்
அனுமதித்திடு்ம்
அவளும் காதலிதானே..

முறைத்தென்னை முடக்கிட
அவளுக்கொரு நொடியே
போதுமானதாக இருக்கும்..

தனக்கான பாதுகாப்பு
வளையத்தை சீண்டாத
என்னை விட்டுவைத்தாள்
அந்த இரயில் காதலி..

மறுபுரம் வாழ்க்கை வெறுத்து
கோவில் சென்றமர்ந்தால்
அங்கொருத்தி ஏதோ
அந்த கடவுளிடம்
வேண்டிக்கொண்டிருப்பாள்..

கடவுளே இந்த வாழ்க்கை
வெறுத்தவனின் வாழ்வில்
கொஞ்சம் மகிழ்ச்சி கொடு
என்று வேண்டுவதாய்
எண்ணி சற்று மனம் லேசாகும்..
...