Someone told me today, "IT WAS JUST AN ATTRACTION. YOU WILL GET OVER IT SOON."
I exclaimed, ATTRACTION!!!
.

Pyaar nahi toh kya hain?
Koi mujhe bhi batlaye ye.

Uske naam se hi chehek jaana;
Halki halki muskaan mein,
Khil uthna;
Aur phir yuhi sharmakar;
Baat palat Dena aur yuhi
Uske khayalon mein khoo jana.
Ye pyaar nahi toh kya hain?

Usse baat na ho paaye to;
Bechain ho jaana aur,
Phir yuhi uss bechaini mein
Nind ka udd jaana.
Nind aaye bhi to;
Usike sapne dekhna,
Phir uske khawabon mein hi khoo jana.
Ye pyaar nahi to kya hain?


Mere har duaaon mein;
Uska jikr hona.
Uske paas naa hokar bhi;
Usike paas rehna.
Mere har lafzon pe;
Uske saath hone ka jikr hona.
Ye pyaar nahi to kya hain?

Mera yuhii jhooth muth ka Ruth jaana
Aur uske manane ka intezaar karna;
Phir mujhe manane ke koshish pe hi,
Yuhi khilkar has padhna.
Aur uska meri nadaan harkaton pe
Khil uthna.
Ye pyaar nahi to kya hain?

Mann udaas hone par;
Sabse pehla khayaal usika aana.
Uske hone se khudko mehfoos paana.
Uske har lafzon pe khoo jaana;
Aur yuhi use takte rehna.
Ye pyaar nahi to kya hain?

Apni saari khwaishein;
Use saunp Dena,
Apni har udaasi;
Uske paas hote hi bhula Dena,
Apni saari muskurahat;
Usike hawale kar Dena,
Apna saara sneh;
Usipe luta Dena.
Ye pyaar nahi to kya hain?

Pure din ke thakaan ke baad;
Usse baat karne ki chah rakhna.
Usse baat hote hi
Saari thakaan ka mit jaana.
Din ke shuru se shaam ke dhalne tak;
Huye har kisson ko;
Use batana aur uska,
Shaant hokar unhe saralta purvak sunna.
Ye pyaar nahi to kya hain?

Kisi apne ke raaste bhatak jaane par;
Unhe wapas laane ki wo halki thodi koshishein;
Unko samjhana, sawaarna, sametna;
Unke aansuon ko pochna aur unhe muskrate huye dekhna.
Ye pyaar hi to hain, aur isimein santushti bhi hain.

Pyaar ke hazaar paribhashayein;
Aur unme se ek gehri baat ye ki;
Pyaar hain to santushti bhi hain,
Pyaar hain to ikraar bhi hain,
Pyaar hain to inkaar bhi hain,
Pyaar hain to ibadat bhi hain.

Aur Haan, ye hi pyaar hain.
© Srizzz