🌹തുമ്പിപ്പെണ്ണ്🌹

മഴപോൽ മധുരം നീ പുഴയായ് ഒഴുകിയെന്നിൽ
തുഴപോൽ നീന്തി ഞാൻ വഴിയിൽ തളരാതെ..

രാവിൻ നെറുകെ ഞാൻ ഒരു സിന്ദൂരച്ചുമപ്പുക്കണ്ടു
മനസ്സിലെ മാനത്തോ ഒരു അമ്പിളിത്തേരോട്ടം.

കാതിൽ കിന്നാരം കവിളിൽ മിന്നാരം
തുമ്പീ പൂത്തുമ്പി നീയെന്നധരമലരഴക്

തിരയും തിരത്തോറും കനവിൻ കടൽത്തോറും
തിരയും ഞാൻ നിന്നെ അലഞ്ഞൊറിയുമൊരുക്കാറ്റായ്.

ഈ ജന്മം സായൂജ്യം നീയെന്നരികിൽ വന്നല്ലോ
പുനർജ്ജനിത്തേടും ഞാൻ ഇനിയും നിന്നിൽ അലിയാനായ്.

എൻ കനവിൻ കൺമണിയെ കാതിൽ തേൻമൊഴിയെ
കരളിലെ മധുരം നീയിന്നെന്നധരം പൂചൂടി.

കാണാമറയത്തായ് മറയല്ലേ ഇനിയും
കണ്ണിൽക്കൊതിതീരും വരെയും ഞാൻ നിന്നെ കണ്ടോട്ടെ..
തുമ്പി ഞാൻ നിന്നെ കണ്ടോട്ടെ..!


© 🌟ബെൻസി നക്ഷത്ര 🌟