"Marahil nagtataka ka at kung bakit ang tula ko ay naiiba, nababasa mo nga at nasusundan ang bawat isulat kong letra. Pero, ng lumalalim na ang kataga, tila baga ikaw ngayun ay natulala.

Iba ang pagkasalin, iba ang pagka makata ng tagalog na wika. Ganyan ang wikang tagalog kaya naman hirap hanapan ito ng katugma.

May mga tula sa tagalog na pawang nagbibigay sa letra ng bagong lasa, habang binabasa mo mahihiwagaan ka, sapagkat parang rekado sa pagkain sakto lang ang timpla.

Marahil habang binabasa mo ito, wala na sa iyo itong halaga, hindi mo na papansinin sapagkat iba ito ng wika. Sayang sapagkat para sa iyo ito, kaya naman ito nagawa.

Baybayin mo ang lalim, arukin mo ang tagalog na katha. Sapagkat palitan mo man ng ingles, wala ni sasakto at tutogma. Iyan ang hiwagang makatang tagalog hindi maaaring palitan ng ibang letra. Habang lumalalim pulot pukyutan ang lasa."