اتنی کھو جاتی ہوں اس کے سحرِ گفتگو میں
بس اس کی سنتی ہوں اپنی بات رہ جاتی ہے

وہ ناداں! سمجھتا نہیں اشاروں کی زباں ورنہ
میری جھکی جھکی نگاہ تو سب کہہ جاتی ہے

پھر لب مسکرانا دل دھڑکنا بھول جاتے ہیں جب
تمنا دل کی اشک بن کر آنکھ سے بہہ جاتی ہے

کبھی تو ٹوٹ جاتی ہے چھوٹی سی بات پر ہی
کبھی یہ صنفِ نازک بڑی بات بھی سہہ جاتی ہے

نہ تیرتی ہے نہ ہی ساحل پہ پہنچتی ہے کبھی
کشتی بحرِ عشق کی تو ہر آن زیرِ تہہ جاتی ہے

غلط فہمیوں کی دراڑیں پڑنے لگے جب کبھی
عمارت پیار کی پھر آہستہ آہستہ ڈھہہ جاتی ہے





©  ؔصائمہ الفت