ભલે શોધે તું મને દરેક ગલી દરેક ગામે,
જોજે હું મળીશ તને તારા હૃદયના મુકામે...

આપી મારો સ્પર્શ વહેતા વાયરા ના સંગાથે,
જોજે હું મળીશ તને તારા ખુદના સરનામે..

યાદોમાં ભરી વ્હાલ, મોકલીશ સ્મિતના સથવારે,
જોજે હું મળીશ તને તારી જ ડાયરીના પાને....

તારી શોધતી આંખોમાં , ભલે તસવીર ના બહાને,
જોજે હું મળીશ તને તારી મનગમતી શામે.....

આ વિરહની વેદનાથી પરે...હે રાધે...!
જોજે હું કાયમ મળીશ તને તારા જ નામે....


નિલમ કી કલમ✍️