नव्या वर्षाची नवी आशा,
देऊया जीवनाला एक नवीन दिशा.

वर्ष नवे ऊर्जा नवी, चालू नव्या जोमाने,
काही विसरू कालचे, काही आखूया नव्याने.

नव्या संकल्पाची नवी शिदोरी,
करा वाईट आठवणींची पाटी कोरी.

दारात उभारून गुढी, स्वप्ने आयुष्याची पाहूया.
वर्षाला सार्थकी लावून, शुभ भाग्य उजळुया.

यशाला खेचून आणून, नवे गुण बाणवूया,
रडत नको बसायला, सारे मिळून लढूया.

पूर्ण होऊदे सर्व मनातील इच्छा,
सर्वांना मराठी नवीन वर्षाच्या हार्दिक शुभेच्छा!

( गुढीपाडवा 2023 - मराठी नवंवर्ष)
कु. तन्वी सावंत