ഗുൽമോഹർ പടർന്നു ചുമന്ന മണൽ വീതിയിലൂടെ ഞാൻ നടന്നു.
പുതിയ കിനാവുകളുമായി വന്ന എന്റെ കുഞ്ഞു പാദങ്ങളെ ആ വിദ്യാലയ മുത്തശ്ശി വരവേൽറ്റു,പൂമെത്ത ഒരുക്കി, പൂ വർഷമേകി .
നിരനിരയായി നിൽക്കുന്ന ഗുൽമോഹർ മരങ്ങൾ, അവയുടെ ചുവപ്പും മഞ്ഞയും ഇടകലർന്ന പൂക്കൾ, ഇളം കാറ്റിനൊപ്പം ഇന്നും എന്നെ വരവേറ്റു.
കുഞ്ഞു പാദങ്ങൾ ഇന്ന് വലുതായിരിക്കുന്നു.
എന്നാലും മുത്തശ്ശിക്ക് ഞാൻ കുഞ്ഞു മകൾ തന്നെ.
നിറങ്ങൾ മങ്ങിയ യൗവനത്തിൽ
ബാല്യത്തിന്റെ നിറങ്ങൾ തേടി ഒരു തിരിഞ്ഞു നടത്തം ഗുൽമോഹർ വീതികളിലൂടെ.