பிறந்தநாள் ☺️

arrow_back

Poem

7 views

முத்துரம்யா (தமிழ்நிழல்)

26 December 2022

+ Follow

இந்நாளில்

அம்மாவின்
கரிசனம்
பிறந்தநாளில்
அதீதமாய்க்
கிடைக்குமென்றால்

சுடச்சுட
சூடாக
தோசை
பிறந்த நாளில்
கிடைக்குமென்றால்

பழைய உடைதான்
என்றாலும்
பிடித்த நல்ல
உடை ஒன்று
பிறந்தநாளுக்காக
போட்டுக் கொள்ளலாம்
என்றால்....

அடம் பிடித்து
எனக்கு
அன்பு சொல்ல
மட்டுமே வந்த
ஆறாம் வகுப்புப்
படிக்கும்
மாமன் மகள்
அன்போடு
அழகிய
கவிப்பரிசு
கொண்டுவருவாளென்றால்

தொடர்பற்று தொலைந்து போன
நட்புகள் எல்லாம்
பிறந்த நாளில்
மலருமென்றால்..

அநேக அலுவல்களுக்கிடையிலும்
இணைய நினைவு படுத்தல்
இன்றி
இதய நினைவுபடுத்தலால்
நான் என்றோ சொல்லி வந்த
வார்த்தைகளின் நினைவால்
நினைவு வந்தவுடன்
ஒரு குறுஞ்செய்தி அனுப்பி
பெரும் அன்பு சொல்லி
ஆசிரியர் அப்பாவானால்

பிறந்தநாளில் தான் என் தோழி
என்னைப் பார்க்க வருவாளென்றால்

ஆண்டில் அத்தனை நாளும்
என் பிறந்த நாளாகட்டுமே.....😅😂😊☺️

#பிறந்தநாள் #birthday #christmas2022 #mythoughts #தமிழ்நிழல் #தமிழ்க்கவிதைகள் #tamilnizhal
#birthdaywishes #அகவைநாள் #தாலாட்டுநாள்

Poetry