Ajab pagal sa ladka hai

arrow_back

Poem

10 views

KRITIKA MISHRA

4 months ago

+ Follow

Ajab pagal sa ladka hai
wo mujh se jab bhi milta hai
mujhe her baar kehta hai
nahi tum sa koi dooja hai,

Ajab pagal sa ladka hai
wo mujh se jab bhi milta hai
naya ik naam deta hai,
naii ik pehchaan deta hai,

Ajab pagal sa ladka hai
wo mujh se jab bhi milta hai
to pehron mujh ko takta hai
usay her rang jo main ney ho pehna,
acha lagta hai,

ajab pagal sa ladka hai
wo mujh se jab bhi milta hai
mujhe her baar kehta hai
teri muskaan janaa zindagi main rang bharti hai
mujhe dukh k andheron main kabhi khonay nahi deti
wo mujh ko socha karta hai,
mujhi ko yaad rakhta hai

Ajab pagal sa ladka hai
wo mujh se jab bhi milta hai
hazaron baar kehta hai
mujhe tum se mohabbat hi nahi ishq hai janaa
bus ik pal main wo apne aapko mujh ko sonp deta hai
main us pagal se ladke ke liye ab aur kaya likhoon
mujhe us ko batana hai
ki us ki muskurahat per
main duniya waar sakti hoon
bus us ki aik aahat per
main jeewan haar sakti hoon
mujhe us sey mohabbat hai
mujhe bhi ishq hai us se
ajab pagal sa ladka hai
ajab pagal si main bhi hoon❤️

@prashu92 💜

© pra❤️kriti

Poetry