ان حسرتوں کے استقبال کا کوئ میزبان ہوتا
کاش دل کے کونے میں ایک قبرستان ہوتا

نہ چراتا نظر کو کوئ یوں آفتاب کو دیکھ کر
زمین پر اگر سایۂ آسمان ہوتا

پھیلا دی غیروں میں ایک بات جو اسکو بتائ میں نے
کیا ہوتا اگر میرا رقیب میرا رازدان ہوتا

نہ تڑپتی کوئ تتلی حصولِ رسّ گلاب کی خاطر
کاش کانٹوں سے خالی میرا گلستان ہوتا

وہ محبت بھری نظر سے نہ دیکھتا جو ایک بار مجھ کو
نہ مجھے امید ہوتی , نہ مجھ کو کوئ گمان ہوتا

جب بندھ گئی امید تو ایک ہی گلہ رہا
کاش میری امیدوں کا وہ پاسبان ہوتا

نہ ان آرزوؤں کو تم پالتی ایماؔن!
نہ زمانہ تم سے آج پریشان ہوتا
ایمان شہزاد

© All Rights Reserved