തൊടുപുഴയാറ്
-----------------

നാടിനു മുഴുവൻ വൈദ്യുതി നല്കിയ
നിലയമൊഴുക്കിയ കുളിർനീരിൽ
പശ്ചിമഗിരിയുടെ പനിനീർതൂവിയ
കുളിരു നിറച്ചൊരു പുഴയാണ്!

അങ്ങു വടക്കേ ചോരപ്പുഴയുടെ
അരുണിമ തേടുമൊഴുക്കല്ലാ...
അറബിക്കടലിൻ മാറു തണുക്കാൻ
കുളിരു നിറച്ചയൊഴുക്കാണ്!

കീഴ്മലനാടിനു തിലകം ചാർത്തും
പരിശിഷ്ടങ്ങൾക്കിടയിൽ,
വിണ്ണാറായിട്ടൊഴുകും തൊടുപുഴ
മാമലനാടിനു പുണ്യനദി!

കാട്ടുമരുന്നിൻ വേരിന്നിടയിൽ
കൊടുവേലിച്ചെടി തെട്ടുവണങ്ങി,
സുകൃതം വിതറും വനകന്യകയായ്
പുളകം തീർക്കും തൊടുപുഴയാർ!






© Rajendran Thriveni