मेरा फुटग्या करम ,मेरो इसों है बलम 2
इसों है बलम मेरो ... इसों है बलम
मेरा फुटग्या करम ,मेरो इसों है बलम 2


छ: फिट की हाइट मेरी ,बालम रेहग्यो चार 2
बाजारा मे जाऊं जद पूछे ,टाबर कुणको लार 2
म्हँ चौबारा को हुक्को लागु......2 वो छोटी सी चलम
मेरा फुटग्या करम ,मेरो इसों है बलम 2


म्हँ चालू छु होळेे -होळे ,वो चालै छै तावळो 2
क्यासी बतळाऊं मन की, बोले जया कांवळो 2
लाजा घणी म्हँ मर जाऊं ..... 2जद देखण जाऊं री फलम
मेरा फुटग्या करम ,मेरो इसों है बलम 2


complan और bournvita भी ,रोज पिलाऊं छूँ 2
खुद पहरू simple चप्पल ,इैन उच्चा बूट दिलाऊं छू 2
ऐसी लागी चोट मेरे ......2 जिकी कोई ना मलहम
मेरा फुटग्या करम , मेरो इसों है बलम 2

हँसी उड़ावे सारी सखियाँ ,babu केह चिड़ावे छै 2
म्हारी फूटी किस्मत पे ,तरस ना कोई खावै छै 2
किरण कुणावत जयपुर वाळी ...... 2भी चलाय दी कलम
मेरा फुटग्या करम , मेरो इसों है बलम 2

© Kiran Kumawat